1. Petro 4:12 - O Debleskro Lab 2024 (Sinte-Manouche)

¹² Kamle mala, t'maro dji vell gar dareno, te venn t'mer zoreles palla lino. Savo koova djal kolenge, kay patsle hi. Kote vell diklo, har t'maro patsepen hi.

O Debleskro Drom 2021 (Sinte)

¹² Kamle mala, tumaro dji well gar dareno, te wenn tumer soreles palla lino. Sawo koowa djal kolenge, kai patsle hi. Kote well diklo, har tumaro patsepen hi.

1. Petro 4:12 ပူးပေါင်းရင်းမြစ်များ

Sikepaskro 5:8

Hi feteder o themeske, te hi les i baro ray, kay dikell koy pre, te vell ap o harhetikro them boudedo, te vell i menshen doha djipaske.

Jesaja 28:21

O baro Devel stell pre, har kras lo pash i berga Perassim, oun vell rhoyedo har an i tala Gibeon, te krell lo lauter, hoy yob peske glan las. Oun kova hoy yob kanna krell, hayvenn t'mer gar. Kova vell t'menge yaake glan, har te vals gar lestar.

Daniel 11:35

Oun mank kol goseve hi save, kay venn maredo, te venn boud vavar zoreles an o patsepen, oun lengre djia djoudjo kerdo o Debleske. Kova djal yaake yek tsireske, bis ko dives vella, kay o tsiro kay phoubyake trouyel hi.

1. Korintarja 10:13

Della savo koova, hoy kamell t'men o Debleskro dromestar tele te anell. Dikenn, savo koova vas ninna ap vavar menshende. Te vell pharo koova ap t'mende, dell o Devel t'men koy zoor, te nay hidjrenn kova. Yob hatsell i drom, te venn pale kote vin.

1. Korintarja 3:13

Vell ko dives, kay dikenn le, hoy hakeno pre čivas. Ap ko dives vell lauter an i yag. Oun koy yag sikrella, hoy haki boudi moldo hi.

2. Timoteo 3:12

Djiness, lauter kolla, kay patsenn ap o Yezous Kristeste oun kamenn te krenn, hoy yob kamella, venn palla lino.

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!

1. Petro 4:4

Kanna djivenn t'mer bouder gar ko djoungelo djipen har kol čilače. Kova djal kolenge gar an o shero. Doleske čingrenn le ap t'mende.

1. Petro 5:9

Ma krenn, hoy o beng t'mendar kamella! Ačenn zoreles an o patsepen! T'mer hounte djinenna, kay lenn le t'mare phralen oun phenya ap i tseli phoub ninna yaake palla har t'men.