1. Petro 4:10 - O Debleskro Lab 2024 (Sinte-Manouche)

¹⁰ Hakeno t'mendar las i boudi o Deblestar, te nay krell lo i vavarengro patsepen zoreles. Krenn koy boudi! Avenn yek o vavareske koy! Yaake han t'mer lače boudepangre o Debleske.

O Debleskro Drom 2021 (Sinte)

¹⁰ Hakeno tumendar las i budi o Deblestar, te nai krell lo i wawarengro patsepen soreles. Krenn koi budi! Awenn jek o wawareske koi! Jaake han tumer latche budepangre o Debleske.

1. Petro 4:10 ပူးပေါင်းရင်းမြစ်များ

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Mateo 24:14

Ap i tseli phoub vell i menshenge ko lačo lab penlo, kay o Devel kamell len dran o čilačepen te lell oun kamell lengro ray te vell. I menshe an hake themma hounte shounenn ko lab. Oun palle vell ko tsiro, kay hi o Devel o ray pral lauterende.

Mateo 24:21

Ko tsiro vella djoungleder har halauter, hoy ap i menshende vas, yaake rah, har i phoub tardo hi. Oun ko tsiro, hoy vell pal kova, vell vitar gar yaake čilačo.

Mateo 24:45

I lačo boudepaskro della mishto garda ap peskro rayeskro kheer, oun sovella gar. Leskro ray das peskre tsele boudepangren an leskre vasta. Oun ko lačo boudepaskro dell len hako dives kova, hoy len hounte vell djipaske.

Mateo 25:17

Oun ninna kova, kay kol douy gone peskro rayestar las, kova las douy vavar gone pashel.

Mateo 25:44

Oun palle penenn yon ap leste: Ray, kaana his tout bok oun troush? Kaana hals tou kek mendar? Kaana his tout kek ripen? Kaana hals tou nasselo oun stildo, oun mer hams gar touke koy?

Markus 10:45

Ninna o Mensheskro Čavo vas gar ap i phoub, te boudrenn i menshe leske. Na-a, yob vas ap i phoub, te vell lo lenge koy, oun te merell lo lenge. Oun yaake playsrell lo peskro djipah, te lell lo boud menshen dran o čilačepen oun o merepen vin.”

Louka 12:42

Penas o Yezous: “I lačo boudepaskro dell mishto garda ap peskro rayeskro kheer, oun sovella gar. Leskro ray das peskre tsele boudepangren an leskre vasta. Oun ko lačo boudepaskro dell lende hako dives kova, hoy len hounte vell djipaske.

Louka 19:13

Oun yob das deesh peskre boudepangren gole, das hakeneste i sheel roupene beme, oun penas: Boudrenn kol loventsa yaake rah har me gar kay hom. Oun yob djas peske.

Louka 8:3

Ninna i Susanna djas leha, oun i Yoanna. Lakro rom his o Kouza. Kova his o pralstouno boudepaskro an o Herodeskro kheer. Oun boud vavar djouvya djan leha, te denn le len rhapen oun pipen dran kova, hoy len hi.

Remarja 15:25

Glan kova, kay vau pash t'mende hounte djap an o foro Yerusalem, te anap kote i čorvele patslenge kol love, hoy i patsle an i themma Macedonia oun Akaya kolenge khetne čivan.

Remarja 15:27

Kol love dan le pengro tselo djiyestar. I patsle an o foro Yerusalem penan o Debleskro lačo lab kolenge, kay kek bibolde hi. Yaake hounte denn i patsle, kay kek bibolde hi, i biboldende lauter kova, hoy hounte vell len djipaske. Koya hi lengri siyaan.

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

1. Korintarja 3:10

O Devel his lačes ap mande oun das man i boudi, te boudrap ap ko kheer. Yaake čivom me i telstoune barra. Me krom kova, har i gosevo boudepaskro, koon hayvella khera te krell. Ap kol telstoune barra čivell i vavar boudepaskro vavar koova pre. Hakeno hounte dell garda, hoy yob pre čivella.

1. Korintarja 4:7

Koon penas touke, te hal tou feteder har ko vavar? Kova, hoy tout hi, hi tout o Deblestar. Te das yob tout lauter, hoske shareh tout?

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

2. Korintarja 9:1

Pral ko lačepen, hoy mer hounte kras i patslenge, hounte činap t'menge gar.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

2. Timoteo 1:18

Me mangau o Debles, te vell lo leske lačes ap ko dives, kay yob glan leste tardo hi. Tou djineh ninna, har boud yob i patslenge an o foro Efesus boudras.

Tito 1:7

I pralstouno pral o Debleskro kheer hounte djivell yaake, te dikell kek i čilačo koova ap leste. Yob djal gar pal peskro shero, oun vell gar sik rhoyemen! Yob vell kek pipaskro oun kek čingepaskro! Yob nashell gar pal i love!

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

1. Petro 5:12

Maro lačo phraal, o Silvano, vas mange ap i rig, te činell lo kava tikno liil. An kava liil kamoms te penap t'menge an o dji, te djinenn čačepah: O Devel hi t'menge lačo. Ačenn pash leste!