1. Petro 3:9 - O Debleskro Lab 2024 (Sinte-Manouche)

⁹ Krenn kekeske čilačepen, kay kras ap t'mende čilačepen! Yek te čingrell ap t'mende, ma čingrenn pale! Rakrenn lače laba leha! O Devel das t'men gole, te lenn t'mer leskro lačepen.

O Debleskro Drom 2021 (Sinte)

⁹ Krenn kekeske tchilatchepen, kai kras ap tumende tchilatchepen! Jek te tchingrell ap tumende, ma tchingrenn pale! Rakrenn latche laba leha! O Dewel das tumen gole, te lenn tumer leskro latchepen.

1. Petro 3:9 ပူးပေါင်းရင်းမြစ်များ

1. Mose 42:25

Oun o Yosef penas ap peskre boudepangre, te krenn le lengre gone pherdo djob, oun te denn le len lengre love pale, – hakeneske an leskro gono, oun te denn le len rhapen ap o drom. Kova kran yon.

Gosewe laba 17:13

Koleske lačepen kerdo vas, oun yob čilačepen pale das, dran koleskro kheer djal i bibarht bouder gar krik.

Gosewe laba 20:22

Ma le touke glan, te dess o čilačepen pale, hoy yek ap toute kras. Dik ap o baro Debleste! Kova lell tiro koova an peskro vast.

Gosewe laba 28:10

Kova, kay anell o Debleskre menshen ap i čilačo drom, kova perell kokres an i grouba. Kolla, kay kek doosh ap pende anan, lenna lačo koova.

Mateo 19:29

Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Mateo 5:39

Me penau t'menge: Ma hadenn t'maro vast ap koleste, kay kras t'men čilačo koova! Te das touke yek ap i čači čam, koleske rike ninna i servi koy, te dell lo tout!

Mateo 5:44

Me penau t'menge: Avenn lačes kolenge, kay hi čilačo ap t'mende! Mangenn o Debles kolenge, kay lenn t'men palla!

Markus 10:17

Har djas o Yezous doureder ap o drom, nashas yek pash leste, peras glan leste tele ap i phoub, oun poučas lestar: “Lačo sikepaskro, hoy hounte krap, te dell man o Devel o djipen, hoy gar pre-herella?”

Louka 10:25

His i dives, koy vas i biboldengro čačepaskro pash o Yezouseste. Oun kova poučas lestar čomone, te djinell lo, har gosevo o Yezous hi. Oun yob poučas lestar: “Sikepaskro, hoy hounte krap me, te lap o djipen, hoy gar pre-herella?”

Louka 18:18

Koy poučas lestar i pralstuno: “Lačo sikepaskro, hoy hounte krap, te dell man o Devel o djipen, hoy gar pre-herella?”

Remarja 12:14

Rakrenn lače laba ap kolende, kay lenn t'men palla! Mangenn o Debles lenge, oun koshenn len gar!

Remarja 12:17

Te hi yek čilačo ap t'mende, palle venn gar čilačo ap leste! Krenn, hoy lačo hi an i tsele menshengre yaka!

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

Remarja 8:30

Kolen yob vin rodas, kolen das lo ninna gole, te djivenn le leha khetne. Oun kolen, kay yob gole das, kolen čivas lo an o čačepen. Oun kolen, kay yob an o čačepen čivas, kolen kras lo ninna erligo, te djivenn le leha khetne an leskro raylepen.

Galatarja 3:14

Oun kova kras o Yezous Kristo, te vell o Debleskri zoor pash i tsele menshende, yaake har o Devel glan i rah tsiro o Abrahameske penas. Kanna nay lah mer lauter o Debleskro Dourho, te patsah mer ap o Yezouseste.

Efesarja 4:32

Avenn kamlo yek ap o vavareste, oun lenn i dji o vavareske! Bistrenn o čilačepen, hoy o vavar ap t'mende kras! Ninna o Devel bistras t'maro čilačepen, har o Yezous Kristo t'menge meras.

1. Tessalonikarja 5:15

Ma avenn čilačo ap kolende, kay čilačo ap t'mende van! Moukenn gar tele, te venn lačes ap hakeneste mashkral t'mende, ninna ap i tsele vavar menshende!

Hebrearja 12:17

T'mer djinenn, hoy pal kova vas. O Esau nay kras bouder či vavarčandes. Ninna te rovas lo zoreles glan peskro dadeste, vas lo ap i rig čiddo. Leskro dad nay rakras bouder gar koy barht pral leste vin, hoy hounte lals lo.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

1. Samuel 26:11

O baro Devel mou rikrell man pale, te taprap me koles an, kones yob peske vin rodas. Le kanna leskro vitsepaskro čouri, hoy pash leskro shero an i phoub dino hi, oun leskro panyeskro khoro, te djas mer menge!”