1. Petro 3:20 - O Debleskro Lab 2024 (Sinte-Manouche)

²⁰ Yob djas pash kol moulende, kay djivan an ko tsiro, kay o Noah djivas. Har o Noah ko panyeskro kheer kras, das o Devel i menshen i rah tsiro, te venn le pash leste. Oun yon van gar. His gar boudeder har orhta menshe, kay djan an o panyeskro kheer. Oun kolla tassan gar an o pani.

O Debleskro Drom 2021 (Sinte)

²⁰ Job djas pash kol mulende, kai djiwan an ko tsiro, kai o Noah djiwas. Har o Noah ko panjeskro kheer kras, das o Dewel i menshen i rah tsiro, te wenn le pash leste. Un jon wan gar. His gar budeder har ochta menshe, kai djan an o panjeskro kheer. Un kolla tassan gar an o pani.

1. Petro 3:20 ပူးပေါင်းရင်းမြစ်များ

1. Mose 6:13

Doleske penas o Devel ap o Noah: “Kolla, kay djivenn ap i phoub, kran, te vas i phoub pherdo čilačepen oun midjak koova. Kamau gar, te djivenn le doureder. Ava, me krau, te merenn i tsele menshe oun halauter, hoy ap i phoub hi.

1. Mose 6:3

Koy penas o baro Devel: “Miro djipaskro dourho ačell gar hako tsiro an o mensheste. Yob hi mass. Yob vell gar phoureder har 120 (sheel-te-biish) bersha.”

1. Mose 6:5

O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

1. Mose 6:8

O Noah kokres his lačo glan o baro Debleskre yaka.

1. Mose 7:13

Ap ko dives djas o Noah peskri romyah oun peskre čaventsa, o Sem, o Ham oun o Yafet, oun kolengre romya an o panyeskro kheer.

1. Mose 8:1

O Devel bistras o Noah gar, vitar gar i firhen, kay pash leste an o panyeskro kheer his: kol divye firhe oun kolla, kay gar divye hi. Oun o Devel moukas i baro dourho pral i phoub te phourdell. Koy djas o pani tele.

1. Mose 8:18

Koy djas o Noah peskre čaventsa oun peskri romyah oun peskre čavengre romyentsa dran o panyeskro kheer vin.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Mateo 7:14

Tikno hi ko voudar oun gar bourhlo hi ko drom, kay i menshe hatsenn o djipen. Oun gar boud hi kolla, kay ap ko drom djana.

Louka 12:32

Ma darenn! Kate han t'mer gar boud oun gar an-diklo. O Devel, kay hi t'maro dad an o bolepen, kova kamella, te lenn t'mer leskro bravlepen oun raylepen.

Bičepangre 2:41

Kolla, kay lan leskre laba an pengro dji pre, moukan pen te taufrell. Oun ap ko dives van triin zerya menshe ap o Yezouseste patslo.

Remarja 9:22

Yaake hi kova ninna o Debleha. Yob kamas, te sikrell lo peskri zoor, oun te vell peskri rholi pral i menshende, kay nashedo hi. Ninna te kamas lo kova te krell, rikras lo peskri rholi i rah tsiro lendar pale.

Efesarja 5:26

te venn le erligo oun djoudjo glan leste. Yob thovas lengri doosh lendar tele, har patsan le leskro lab, oun van leske an o pani thodo.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Petro 2:25

T'mer hans har bakre, kay nashran pen. Kanna anas t'men o Yezous Kristo pale ap o čačo drom. Yob hi t'menge har i bakrengro, oun dell garda ap t'mende.

1. Petro 3:19

Har yob moulo his, djas lo ninna pash i moulende an o moulengro them tele, oun penas lenge o Debleskro lačo lab.

1. Petro 4:19

Doleske penau t'menge: Te moukell o Devel ap t'mende i pharo tsiro te vell, palle denn t'men tseles an o Debleskro vast, kay das t'men o djipen! Oun moukenn gar tele, te krenn o lačepen!

2. Petro 2:5

Oun o Debleskri rholi vas pral kol menshende, kay djivan an ko tsiro, kay o Noah djivas. Yon kaman o Deblestar či te djinell, oun shounan gar ap o Noah, har yob lenge penas, te hounte djan le ap o Debleskro drom. Oun o Devel bičras o baro pani pral lende. O Noah kokres oun efta vavar tassan gar.

2. Petro 3:15

Dikenn, te vell maro ray Yezous gar yaake sik pale, krell lo kova, te dell lo i menshen gomme i tsiro, te venn le pash leste. Kova činas t'menge ninna maro kamlo phraal Paulo, koles o Devel boud gosvepen das.