1. Petro 3:14 - O Debleskro Lab 2024 (Sinte-Manouche)

¹⁴ T'mer krenn, hoy o Devel t'mendar kamella. Nay vell, te lenn le t'men doleske palla. Palle han barhtelo. Te denn le t'men trad, ma darenn! Ma trashenn lendar!

O Debleskro Drom 2021 (Sinte)

¹⁴ Tumer krenn, hoi o Dewel tumendar kamella. Nai well, te lenn le tumen doleske palla. Palle han bachtelo. Te denn le tumen trad, ma darenn! Ma trashenn lendar!

1. Petro 3:14 ပူးပေါင်းရင်းမြစ်များ

Gosewe laba 3:25

Tout hounte vell kek daar glan i bibarht, hoy vell sik, vitar gar glan o merepen, hoy vell pral kolende, kay kamenn o Deblestar či te djinell.

Jesaja 51:12

Me hom kova, kay lačes t'mentsa rakrella. Oun koon hal tou, te dareh i menshendar, kay merenna, ava, kay tele merenn har o khass?

Jeremia 1:8

Ma traash lendar. Me hom pash toute, oun rikrau mire vasta pral toute. Ko penau me, o baro Devel.

Jeremia 15:15

Baro Devel, tou djineh halauter! Ma biste man, oun ab ap miri rig! De kolen lengro čilačepen pale, kay man palla lenna! Rike tiri rholi ap lende gar yaake rah pale, te vap gar maredo! Tou djineh, me hom touke koy. Doleske čingrenn le ap mande.

Ezekiel 3:9

Ava, krau tout zorelo har i bar, ava yaake zorelo har i diamanto. Ma dare lendar, mouk touke kek traash te krell lendar. Yon hi menshe, kay moukenn pen či te penell.

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Mateo 10:31

Doleske ma darenn! T'mer molenn boudeder har boud čirkle.

Mateo 10:39

Koon kamell peskro djipen te rikrell, kova nashrell les. Koon peskro djipen mange nashrella, kova lell les pale.

Mateo 16:25

Koon peskro djipen zoreles kamella, kova nashrell les. Koon peskro djipen mange nashrella, lell les mandar pale.

Mateo 19:29

Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

Markus 10:29

Oun o Yezous penas: “Čačepah, me penau t'menge: Hakeno, kay moukell mange oun mire labenge peskro kheer, peskre phralen, peskre phenyen, peskri dat, peskro dades, peskre čaven, peskro kotar phoub,

Markus 8:35

Koon kamell peskro djipen te rikrell, kova nashrell les. Koon ap miro drom mantsa djala oun i menshenge miro lab penella, oun vell doleske moulo dino, kova lell o djipen pale.

Johanni 14:1

“T'maro dji hounte trashell gar. Patsenn ap o Debleste oun patsenn ap mande!

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Bičepangre 9:16

Me kamau leste te sikrell, kay hounte lell yob boud douka mange ap peste.”

2. Korintarja 12:10

Doleske hom gar bibarhtelo, te hi man kek zoor, te lau dava, te vell pharo koova ap mande, te lenn yon man palla, te vell i traash ap mande. Kova lau o Yezous Kristeske ap mande. Me djinau, te hi man kek zoor, palle dell man o Yezous Kristo zoor.

Filiparja 1:29

O Devel hi t'menge lačo, oun das t'men o patsepen ap o Yezous Kristeste, oun gar o patsepen kokres. Na-a, dran o patsepen ap leste, hounte lenn t'mer ninna douka ap t'mende.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

1. Petro 3:6

Yek lendar hi i Sara. Yoy shounas ap o Abrahameste, oun penas ap leste Ray. Te krenn t'mer, hoy lačo hi, oun te moukenn t'men kekestar daar te krell, palle han t'mer har lakre ča.