1. Petro 2:9 - O Debleskro Lab 2024 (Sinte-Manouche)

⁹ T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

O Debleskro Drom 2021 (Sinte)

⁹ Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

1. Petro 2:9 ပူးပေါင်းရင်းမြစ်များ

Debleskri gili 106:5

Te nay dikap i barht, hoy tou kolen dal, hoy touke vi-rodal, te nay vap barhteles khetne tire menshentsa, te nay sharas men, te ham tire.

Debleskri gili 118:27

O baro Devel hi kokres o Devel. Kamles dikell lo ap mende. Avenn, lenn palmtikre patria an o vast, oun djan khelepah glan o Debleskri rhačepaskri!

Debleskri gili 135:4

O baro Devel rodas peske o Yakobeskre menshen vin, ava, o Israel las lo, te vell lo leskro.

Debleskri gili 22:30

Ninna i bravele ap kay phoub, kolen hako tsiro boudeder hi har doha rhapaske, hounte vitsrenn pen tele glan leste. Ninna hakeno, kay meras oun pale čik vas, hounte perell ap i čanga glan leste.

Debleskri gili 33:12

Barhtele hi kol menshe, kolengro Devel o baro Devel hi, kol menshe, kay yob peske vi-rodas, te venn le leskre menshe.

Debleskri gili 73:15

Te penoms me: Kamau ninna yaake te rakrell har yon, palle phoukroms o Debleskre čaven.

Jesaja 26:2

Krenn o foreskre bare voudya pre, te djan kolla dren, kay an o čačepen tardo hi, oun rikrenn ap pengro Debleste.

Jesaja 41:8

Tou, Israel, hal miro boudepaskro, tou hal o Yakob, koles mange vin rodom, tou veh o Abrahamestar, kay miro maal hi.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jesaja 44:1

Kanna shoun tou, Israel, miro boudepaskro, t'mer mire vi-rodede menshe, kolengro phouro dad o Yakob his.

Jesaja 61:6

T'mer venn rashaya o baro Deblestar, oun venn kharedo maro Debleskre boudepangre. Oun ko bravlepen dran vavar themma, koleha moukenn les t'mer t'menge mishto te djal, oun koleha sharenn t'men.

Jesaja 62:12

Oun yon venn kharedo Debleskre menshe oun vi-ginle o baro Deblestar. Oun tout denn le gole o foro, hoy o Devel kamell oun o foro, hoy bouder gar mouklo hi.

Jesaja 66:21

Oun ninna kolendar lau mange, te venn le mange rashaya oun Levitarya, penell o baro Devel.

Jesaja 9:2

Baro Devel, tou kral, te venn i menshe boud, kral, te vell lengri barht bares. Glan toute stenn oun sanenn le i barhtyatar, yaake har an ko tsiro, kay lenn le o djob dren, oun yaake har lourde barhtelo hi, te lenn le pengro kotar kolestar, hoy randedo vas an o kourepen.

Maleachi 3:17

Oun pral lende penell o baro Devel, ko ray pral o bolepen oun i phoub: Ap ko dives, kay me vau, sikrell pes, kay hi le mire. Oun me krau miro dji lenge yaake pre, har i morsh peskro dji pre krell peskro čaveske, kay leske koy hi.

Mateo 4:16

T'menge hi ko lab, hoy o Debleskro rakepaskro penas: T'mer djivenna an i rati, oun dikenna i bari momeli. Yaake har o kham pre djala, vella i momeli pash kolende, kay hi len traash o merepastar.

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

Louka 1:79

oun vell diklo kolendar, kay hi len traash o merepastar. Kay bari momeli anell men ap o drom, kay vella o Debleskri barht ap mende.”

Johanni 17:19

Me dau tout miro tselo djipen. Kova krau lenge, te venn yon ninna tire an o čačepen.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Bičepangre 26:18

Tou kress lenge i yaka pre, te venn yon dran o tamlepen pash i momeli, te less len dran o bengeskro vast vin, oun te aness len pash o Debleste. Te patsenn le ap mande, palle lell o Devel lengri doosh lendar krik. Oun yon venn o Debleskre čave, oun djivenn leha an o bolepen khetne lauterentsa, kay Debleskre čave hi.

Bičepangre 26:28

Koy penas o Agrippa ap o Pauleste: “Rakreh tou kate ap mande, te djap me ninna ap o Yezouseskro drom, oun kava an savo tikno tsiro?”

Remarja 9:24

Oun mank kolende ham mer. Dran i tsele menshende rodas lo men vin, gar dran i bibolde kokres.

1. Korintarja 3:17

Koon o Debleskro kheer paash krella, koles phagella o Devel. O Debleskro kheer hi o Debleske. Oun kava kheer han t'mer.

Efesarja 1:14

Kanna hi men o Debleskro Dourho an mende. Oun doleske djinah, te lah boudeder lačo koova ap ko dives, kay vah neves kerdo an o bolepen. Doleske sharas mer maro baro Debles!

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

5. Mose 10:15

T'mare phouren kamas lo o djiyestar. Oun t'mer, kay lendar van, rodas lo peske vin mank i menshende dran an i tsele vavar themma. Oun ninna kava dives han t'mer leskre vi-rodede menshe.

5. Mose 14:2

T'mer han o baro Debleskre menshe. Yob hi t'maro Devel. T'men rodas lo vin dran i tsele themma ap i phoub, te venn i natsyona, hoy leske hi.

5. Mose 18:2

Kek them lenn i Levitarya an Israel har lengre phrala lenna. Kova hoy yon lenna, hi lengri boudi o baro Debleske. Yob kokres dikell ap lende, te hi len lauter, hoy len hounte vell. Yaake penas lo lenge.

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

5. Mose 7:6

T'mer han menshe, kay hi o baro Debleske kokres koy. T'men rodas lo vin dran i menshen an i tsele themma, kay ap i phoub hi, te venn t'mer leskre menshe.

Filiparja 3:14

Me nashau ap o Yezouseskro drom doureder, te lap ko shoukar koova, hoy dell o Devel kolen, kay gar pre dan. Kova hi o djipen pash leste an o bolepen. Doleske das lo men gole, te djivas o Yezous Kristeha khetne.

Kolossarja 1:13

Yob las men vin dran i vasta kolestar, kay hi o ray pral o tamlepen oun o čilačepen, te djivas mer khetne peskro Čaveha, koles yob o djiyestar kamella. Kova hi maro ray,

2. Timoteo 1:9

Yob las men dran o čilačepen vin, oun das men gole, te djivas leha khetne. His gar dran maro lačo koova, te das lo men gole. Na-a. Kova his an leskro dji, te vas lo menge lačes. Har o bolepen oun i phoub gomme gar koy his, his an leskro dji, te bičrell lo o Yezous Kristes menge ap i phoub.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

1. Petro 4:11

Das tout o Devel gole, te rakress o Debleskro lab, palle rake o Debleskro lab! Das tout o Devel i zoor, te boudress i patslenge, palle kre kova an o Debleskri zoor! Yaake sharah mer o Debles an halauter, hoy o Yezous Kristo men das. Les hi o raylepen oun i zoor kanna oun hako tsiro. Amen!

Debleskro tsiro 1:6

Yob kras men raya oun rashaya o Debleske, peskro dadeske. Leske hi o raylepen oun i zoor kanna oun hako tsireske! Amen.

Debleskro tsiro 20:6

Barhtele hi kolla, kay hi mank kolende, kay venn glanstounes i moulendar djido. Yon hi o Debleskre menshe, oun merenn gar o douyto kopo. Yon hi i rashaya o baro Deblestar oun o Yezous Kristestar. Oun khetne leha hi le raya pral lauter yek zero bersh.

Debleskro tsiro 5:10

Oun tou kreh lendar raya oun rashaya maro Debleske. Oun yon venn raya pral i tseli phoub.

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.