1. Petro 2:17 - O Debleskro Lab 2024 (Sinte-Manouche)

¹⁷ Avenn lačes ap hako mensheste! Kamenn i patslen o djiyestar! Sharenn o Debles, oun krenn, hoy yob kamella! Shounenn ap o baro rayeste pral o them!

O Debleskro Drom 2021 (Sinte)

¹⁷ Awenn latches ap hako mensheste! Kamenn i patslen o djijestar! Sharenn o Debles, un krenn, hoi job kamella! Shunenn ap o baro rajeste pral o them!

1. Petro 2:17 ပူးပေါင်းရင်းမြစ်များ

1. Mose 20:11

O Abraham penas: “Me patsom, kay an kava foro kek menshe hi, kay patsenn o djiyestar ap o Debleste oun krenn, hoy o Devel kamell. Darom, kay yon man moulo denna, te lenn le miri romyat.

1. Mose 22:12

Penas o bolepaskro: “Tape kol čaves gar an! Oun kre les či! Kanna djinau me, kay shouneh o tselo djiyeha ap o Debleste oun kreh, hoy yob penell. Tou rikral tiro yek čaves mandar gar pale.”

1. Mose 42:18

Ap o triinto dives penas o Yosef ap lende: “Te krenn t'mer, hoy penau, ačenn t'mer djido. Me darau o Deblestar.

1. Familjakro liil 29:20

Oun o David penas ap i tsele menshende, kay kote khetne his: “Sharenn t'maro baro Debles!” Koy sharan i tsele menshe o baro Debles, ko Debles lengre phourendar. Oun yon djan ap pengre čanga glan o baro Debleste oun glan o baro rayeste,

Debleskri gili 111:10

Koon djivell o baro Debleha, kova lell gosvepen. Gosevo hi hakeno, kay ap o baro Debleskre laba shounella. Te sharas les hako tsiro!

2. Mose 20:12

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

Gosewe laba 1:7

Glan halauter hounte djivess o baro Debleha, te kameh gosevo te vell. Koneske o gosvepen či moldo hi, oun koon kamell či te djinell, hi dinelo.

Gosewe laba 23:17

Ma zilve ap kolende, kay o Debleskro drom moukan. Hako dives de yak, te djivess o baro Debleha.

Gosewe laba 24:21

Miro čavo, djib glan o baro Debleskre yaka oun kre, hoy o baro ray toutar kamella! Ma dja kolentsa, kay vavaren ap lende pre anenn!

Sikepaskro 8:2

Te dan t'men sovel glan o baro Debleste, te shounenn ap kova, hoy o baro ray t'menge penell, palle rikrenn t'men ap kova!

3. Mose 19:32

Glan phoure menshende stess tou pre oun dikess pre ap lende. Tou rikress tiro Debles glan tire yaka pash halauter, hoy kreh! Me hom o baro Devel.

Zakarie 11:14

Palle phagom miro kasht, hoy kharom harmenatsyona. Yaake sikrom, kay i menshe an o them Youda oun an o them Israel bouder gar phrala hi.

Mateo 22:21

Penan le: “O shero oun o lab o baro rayestar an o foro Rom!” Penas lo ap lende: “Yaake denn leste, hoy leskro hi! Oun denn o Debleste, hoy leskro hi!”

Johanni 13:35

Ap kova dikell hakeno, kay t'mer mire mala han, te kamell yek o vavares o djiyestar.”

Remarja 12:10

Kamenn i phralen oun i phenyen o tselo djiyestar! Hakeno hounte rikrell o vavares bareder har pes kokres.

Remarja 13:7

Denn hakeneste kova, hoy leske hi: themeskre love, ninna vavar love, hoy yon t'mendar mangenna. Shounenn ap kolende, kay hi len penepaske, oun dikenn pre ap lende!

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Efesarja 5:21

O Yezous Kristo hi t'maro ray. Oun t'mer penenn Ray ap leste. Doleske hounte hadell pes kek t'mendar pral o vavareste.

Filiparja 2:3

Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

1. Timoteo 6:1

I boudepangre, kay ginlo van, hounte shounenn ap pengre rayende, te nay rakrell kek mensho djoungeles pral o Debleste oun pral kova, hoy mer i menshenge pral leste penah.

Hebrearja 13:1

Moukenn gar tele, te kamenn i phralen oun i phenyen o tselo djiyestar!

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Petro 2:13

Shounenn ap kova, hoy kol pralstoune ap kay phoub penenna! Kova kamell o Devel, maro ray, yaake. Shounenn ap o baro rayeste pral o them!

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

1. Samuel 15:30

“Me lom doosh ap mande”, penas o Saul pale. “Ninna te hi yaake, mangau tout, hade man glan i phourende mire menshendar oun glan o Israel, oun dja mantsa pale, te nay sharap tiro baro Debles.”