1. Petro 2:15 - O Debleskro Lab 2024 (Sinte-Manouche)

¹⁵ O Devel kamell, te krenn t'mer o lačepen. Yaake pandenn t'mer kol dinele menshenge o mouy, kay hayvan gar o čačepen oun rakrenn djoungeles pral t'mende.

O Debleskro Drom 2021 (Sinte)

¹⁵ O Dewel kamell, te krenn tumer o latchepen. Jaake pandenn tumer kol dinele menshenge o mui, kai haiwan gar o tchatchepen un rakrenn djungeles pral tumende.

1. Petro 2:15 ပူးပေါင်းရင်းမြစ်များ

Hiob 2:10

O Hiob penas ap late: “Tou rakreh yaake har i dineli čay rakrell. O lačepen lam o Deblestar. Las mer gar ninna o čilačo koova lestar?” Ninna te vas kova lauter yaake, anas o Hiob kek doosh ap peste oun vitsras o Debleske kek čilačepen glan.

Hiob 5:16

Yaake lell o čorvelo pale nevi zoor an peskro dji, oun o čilačepen hounte rikrell peskro mouy.

Debleskri gili 107:42

Kova dikenn kolla, kay o čačo drom djan, oun hi barhteles, oun i čilačenge vell o mouy pandlo.

Debleskri gili 5:5

Tou hal i Devel, kay čilače dromma gar kamella. Pash toute nay ačell i čilačo gar.

Gosewe laba 9:6

Ma dja kolentsa, kolen či an o shero hi! Palle djiveh. Dja kolentsa, kay goseve hi!

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Mateo 25:2

Panč lendar his dinelo, oun panč lendar his gosevo.

Mateo 7:26

Hakeno, kay mire laba shounella oun kova gar krella, hoy me penau, kova hi har i dinelo, kay peskro kheer ap i čik kras.

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

Galatarja 3:1

Hoske kamenn t'mer patsle an Galatia kova gar te hayvell? Koon kras t'menge dinelo? T'menge vas o Yezouseskro merepen ap o troushel yaake penlo, har te dikans kova t'mare yakentsa!

5. Mose 32:6

T'mer dinele menshe, kolen kek gosvepen hi, parkrenn t'mer t'men yaake pash t'maro baro Debleste? Hi yob gar t'maro dad, kay kras t'men? Kova, kay kras t'mendar i natsyona?

1. Tessalonikarja 4:3

O Devel kamell, te djivenn t'mer i djoudjo djipen, te sovell kek rom i djouvyah khetne, kay hi gar peskri romni, oun kek djouvel i morsheha, kay hi gar peskro rom.

1. Tessalonikarja 5:18

Parkrenn t'men pash leste pral halauter! Kova kamell o Devel lauterendar, kay djan ap o Yezouseskro drom.

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

Tito 2:8

Pen les lenge yaake, te nay penell kek, kay kova gar čačo hi, hoy tou peneh! Palle nay rakrenn kolla gar djoungeles pral mende, kay hi rhoyemen ap mende. Na-a, yon ladjenn pen.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

1. Petro 3:17

Te krenn t'mer lačo koova, oun dran kova krenn le t'mentsa čilačo koova, palle hi kova feteder, har te krans t'mer čilačo koova. Yon nay doukrenn t'men gar, te moukals len o Devel gar.

1. Petro 4:2

Yaake rah, har kava mensho ap kay phoub hi, krell lo kova, hoy o Devel kamella, oun djivell bouder gar pal peskro shero.

2. Petro 2:12

Kol rhorhene sikepangre rakrenn djoungeles pral kova, hoy yon gar prindjrenna. Yon hi har divye firhe, kay venn boldo, te venn le tapedo oun maredo. Yaake merenn yon ninna.

Judas 1:10

Kolla menshe praasenn lauter, hoy le gar prindjrenna. Kova, hoy lengro mass kamella, kova krenn le yaake har i firhe, kay či djinenna. Oun yaake djan le nashedo.