1. Petro 1:6 - O Debleskro Lab 2024 (Sinte-Manouche)

⁶ Doleske avenn barhtelo, ninna te hounte djan i tikno tsiro ap i drom, kay vell boud pharo koova ap t'mende.

O Debleskro Drom 2021 (Sinte)

⁶ Doleske awenn bachtelo, ninna te hunte djan i tikno tsiro ap i drom, kai well bud pharo koowa ap tumende.

1. Petro 1:6 ပူးပေါင်းရင်းမြစ်များ

Debleskri gili 119:28

Miro dji rovell yaake te hi man bouder kek zoor. De man pale nevi zoor, yaake har penal.

Debleskri gili 119:75

Baro Devel, me djinau, tou te deh i phagi, djah tou pal o čačepen. Touke his čačo har dal man i phagi.

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

Debleskri gili 35:10

Lauter, hoy an mande hi, penell: Baro Devel, koon hi yaake har tou? Tou leh o čorveles vin dran i vasta kolendar, kay zorleder hi har yob. Tou leh koles, kay bibarhtelo oun čorvelo hi, vin dran i vasta kolendar, kay čoran leskro koova.

Debleskri gili 69:20

Tou prindjreh i ladj, hoy ap mande peras, tou djineh, har yon man praasan oun pal mande rakran. Kolla, kay mange o djipen phares krenn, hi lauter glan tire yaka.

Debleskri gili 9:14

Ab lačes ap mande, baro Devel! Dik o čilačepen, hoy kolla mantsa krenna, kay hi moulo rhoyedo ap mande! Oun tserde tou man vin dran o merepaskro vast!

Debleskri gili 95:1

Avenn, te givenn gilya o baro Debleske! Denn gole i barhtyatar glan leste! Yob hi maro rikepaskro, kay menge lauter mishto krella.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Mateo 11:28

T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

Mateo 26:37

Oun yob las o Petres oun kol douy Zebedeskre čaven peha, oun djas kote. Oun leskro dji rovas, oun i daar tapras les.

Mateo 5:12

Givenn oun denn gole i barhtyatar ap ko dives! O Devel dell t'men i baro bravlepen an o bolepen. Yaake har yon t'men palla lenna, yaake lan le o Debleskre rakepangren an o phouro tsiro ninna palla.

Louka 1:47

Oun miro dji dell gole i barhtyatar pral mo Debleste. Yob hi ap miri rig.

Louka 10:20

Avenn gar barhtelo, te shounenn i benga ap t'mende! Avenn barhtelo, kay t'maro lab an o bolepen dren činlo hi!”

Louka 2:10

Oun o bolepaskro penas ap lende: “Ma darenn! I bari barht vell ap t'mende, oun ap i tsele menshende.

Johanni 16:22

Kanna rovell t'maro dji. Oun me penau t'menge kanna: Me vau pale pash t'mende. Oun t'mer venn barhtelo. Oun koy barht nay lell t'mendar kek krik.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Remarja 12:12

Avenn barhtele oun dikenn ap o lačepen, hoy ap t'mende vella an ko tsiro, hoy vella! Te vell t'maro djipen pharo, rikrenn vin! Mangenn o Debles hako tsiro!

Remarja 5:11

Oun kova hi gar lauter. Mer ham yaake barhtelo, te vas o Devel maro Devel. Maro ray, o Yezous Kristo, anas men leha khetne.

Remarja 5:2

O Yezous Kristo anas men ap o Debleskro drom oun kras menge o voudar pre, te djivas o Debleha khetne. Yaake lačo his lo menge. Oun mer djinah: O dives vella, kay djivah leha khetne an leskro raylepen. Pral kova ham barhtelo.

Remarja 9:2

Yob djinell, miro dji rovella oun doukella hako tsireske mire phralenge, kay bibolde hi har me. Mange vals čačo, te voms me mire phralenge praasedo o Deblestar, te venn yon pash leste, ninna te voms me palle bouder gar o Yezous Kristeha khetne.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Filiparja 2:26

T'mer shounan, kay yob nasselo vas. Har yob shounas, kay t'mer djinenn kova, rovas leskro dji, oun yob kamas pash t'mende te vell.

Filiparja 3:3

Mer, kay ap o Yezous Kristeste patsah, ham čačepah o Debleskre menshe. Ap mende hi o Debleskro Dourho. Yaake nay krah o Debleskri boudi. Mer ham barhtelo pral kova, hoy o Yezous Kristo menge kras oun hounte rikras kek koova, hoy vella i menshendar. Mer djinah, savo koova nay anell men gar pash o Debleste.

Filiparja 4:4

Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!

1. Tessalonikarja 1:6

Oun kova, hoy dikan t'mer ap mende, kova krenn t'mer kanna ninna, oun djivenn yaake, har o ray Yezous djivas. Har shounan t'mer o Debleskro lab, patsan les oun hans barhtelo pral kova, ninna te kran i menshe t'menge o djipen phares. Koy barht das o Debleskro Dourho an t'mende.

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.

Jakobo 1:9

I čorvelo patslo, kay pash i menshende či molella, kova nay sharell pes, kay yob pash o Debleste boud molella.

Jakobo 4:9

Denn gole pral t'maro čilačo djipen! Rovenn koy pral! Ma san gar bouder! Avenn bibarhtelo oun bouder gar barhtelo!

1. Petro 3:17

Te krenn t'mer lačo koova, oun dran kova krenn le t'mentsa čilačo koova, palle hi kova feteder, har te krans t'mer čilačo koova. Yon nay doukrenn t'men gar, te moukals len o Devel gar.

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

1. Samuel 2:1

Oun i Hanna parkras pes pash o Debleste oun penas: Miro dji hi barhtelo an o baro Debleste. Yob hadas man pre oun kras man zoreles. Kanna nay sau pral kolende, kay man tiknes kran. Tou, miro Devel, val ap miri rig. Doleske hom barhtelo.