1. Petro 1:23 - O Debleskro Lab 2024 (Sinte-Manouche)

²³ T'mer van neves boldo oun han čave yekestar, kay merell gar. Ko nevo djipen lan t'mer, har patsan ap o Debleskro lab, hoy hi djido oun ačella hako tsiro.

O Debleskro Drom 2021 (Sinte)

²³ Tumer wan newes boldo un han tchawe jekestar, kai merell gar. Ko newo djipen lan tumer, har patsan ap o Debleskro lab, hoi hi djido un atchella hako tsiro.

1. Petro 1:23 ပူးပေါင်းရင်းမြစ်များ

Jeremia 23:28

Te dell i rakepaskro souni, mou penell lo peskri souni! Kova, kay lell i lab mandar, kova te penell ko lab mishto doureder! Me, o baro Devel penau t'menge: O phouss oun o djob hi gar o emligo koova. Yaake hi vitar gar emligo ko rakepen, hoy kol rhorhene rakepangre rakrenna, oun o rakepen, hoy mandar vella.

3. Mose 11:37

Te perell sau moulo firho ap djob, hoy vell vin vitsedo ap i phoub, vell ko djob gar pale-čiddo.

Maleachi 2:3

Dikenn, hoy me kamau te krell: Kolla, kay t'mendar venna, kolen phagau. Oun o foul kol firhendar, hoy t'mer mange anenn, vitsrau me an t'mare mouya. Oun t'mer venn vin vitsedo khetne o fouleha.

Mateo 24:35

O bolepen oun i phoub ačenna gar. Mire laba ačenna hako tsiro.

Louka 8:11

Kanna penau t'menge kova yaake, te hayvenn t'mer kova: O djob hi o Debleskro lab.

Johanni 1:13

Kova van le gar, har yon boldo van. O nevo djipen vas gar dran o menshengro kamlepen. Na-a, o nevo djipen lan le kokres o Deblestar.

Johanni 1:3

Khetne leha kras o Devel o bolepen oun i phoub. Či hi koy, hoy gar leha kerdo vas.

Johanni 3:3

Penas o Yezous ap leste: “Čačepah, me penau touke: Kova, kay vell gar o Deblestar neves boldo, nay djivell gar leha khetne.”

Johanni 3:5

Penas o Yezous ap leste: “Čačepah, me penau touke: Te vell yek gar neves boldo dran o pani oun dran o Debleskro Dourho, nay djivell lo gar khetne o Debleha.

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Remarja 1:23

O baro Debles, kay hako tsiro ačella, sharan le gar. Na-a, yon mangan kol morshen oun djouvyen an, kay merenna. Ninna vavar koova, har i čirkle, i star-heryengre firhe oun i sapa mangan le an.

Hebrearja 4:12

O Debleskro lab hi djido oun zorelo, oun činell zorleder har i rharo, hoy činell ap douy rigya. Yaake har činell i rharo dour dren an o mass, ninna an i kokale, yaake činell o Debleskro lab dour dren an o mensheskro dji, oun sikrell leste, hoy hi lačo oun čilačo an leskro djipen.

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

1. Petro 1:25

O Debleskro lab ačell hako tsiro. Kova hi ko lab, hoy vas t'menge penlo.

1. Petro 1:3

Mer sharah o Debles, ko dades maro rayestar, o Yezous Kristestar. O Devel kamas men yaake boud, te vas yob maro dad oun das men o nevo djipen. Oun an mare djia djinah zoreles, yaake har yob o Yezous Kristes i moulendar djido kras,

1. Johanni 3:9

Kolla, kay o Debleskre čave hi, djivenn gar an o čilačepen. O Debleskre čaven hi o Debleskro djipen an lende. Oun yon nay djivenn gar an o čilačepen.

1. Johanni 5:18

Mer djinah, o Debleskre čave ačenn gar ap i čilačo drom. O Debleskro čavo dell garda ap lende. Oun o beng nay krell len či.