1. Petro 1:20 - O Debleskro Lab 2024 (Sinte-Manouche)

²⁰ Har i phoub gar koy his, rodas o Devel les vin, te merell lo i menshenge. Oun an kava tsiro, kay djivah, vas lo t'menge ap i phoub.

O Debleskro Drom 2021 (Sinte)

²⁰ Har i phub gar koi his, rodas o Dewel les win, te merell lo i menshenge. Un an kau tsiro, kai djiwah, was lo tumenge ap i phub.

1. Petro 1:20 ပူးပေါင်းရင်းမြစ်များ

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

Gosewe laba 8:23

Me homs koy glan hako tsiro, har i phoub gomme gar kerdo vas.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Bičepangre 2:23

T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Remarja 3:25

O Devel bičras les, te merell lo ap o troushel kolenge, kay ap leste patsenna. Leskro rateha, hoy yob ap o troushel ratas, thovas o Devel mari doosh mendar krik. Yaake dikah, o Devel hi lačo oun čačo oun lell i menshendar lengri doosh krik.

Remarja 8:29

Har rodas lo len vin, his an leskro dji, te venn le yaake har peskro čavo. Kova te vell o phoureder mank boud phralende oun phenyende.

Galatarja 4:4

Har ko čačo tsiro vas, bičras o Devel peskro čaves. Kova vas i mensho, oun pandlo ap o Moseskre laba.

Efesarja 1:10

Te vell o čačo tsiro, anell lo halauter khetne, hoy hi an o bolepen oun ap i phoub. Oun o Yezous Kristo vell o ray pral halauter.

Efesarja 1:4

Har o bolepen oun i phoub gar koy his, rodas lo men vin, te djas ap o Yezouseskro drom. Yob rodas men vin, te dell lo men i djoudjo dji, te hatsell lo kek doosh ap mende. Yaake boud kamas lo men,

Efesarja 3:11

Kova, hoy les glan i rah tsiro an peskro dji his, kova kras lo, har yob o Yezous Kristes menge ap i phoub bičras. Kova vas maro ray,

Efesarja 3:9

oun te sikrap lauterende, har kras o Devel kova, hoy his les an o dji. Kova djinan i menshe i rah tsiro gar. O Devel kokres, kay kras o bolepen oun i phoub, djinas les.

Kolossarja 1:26

I rah tsiro djinan i menshe ap i tseli phoub gar, hoy o Devel kamas te krell. Kanna djinenn les o Debleskre menshe.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Hebrearja 1:2

Kanna, an kava tsiro, bičras lo peskro čaves pash mende, te rakras yob ap mende. Koleste das o Devel lauter an leskre vasta, te vell yob o ray pral lauter. Koleha kras lo o bolepen oun i phoub.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

Hebrearja 9:26

Te vals kova gar yaake, hounte merals lo boud kope yaake rah, har i phoub koy hi. Yob vas kanna an kava tsiro, kay mer djivah, te merell lo, oun te lell lo yek kopo hako tsireske i doosh i menshendar.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

1. Johanni 1:2

Ava, ko djipen vas pash mende, oun sikras pes mende. Mer dikam les. Doleske rakrah mer kolestar, kay dikam oun shounam. Oun mer penah t'menge, koon ko djipen della, hoy gar pre-herella. Kova his pash peskro dadeste an o bolepen, oun vas pash mende.

1. Johanni 3:5

T'mer djinenna, kay o Yezous Kristo vas, te lell lo ko čilačo koova krik, hoy kram. T'mer djinenn ninna, kay an leste kek čilačepen hi.

1. Johanni 3:8

Kolla, kay djivenn an o čilačepen, kolla hi o bengestar. O beng krella o čilačepen yaake rah, har yob koy hi. Doleske vas o Debleskro čavo ap kay phoub, te phagell lo o bengeskri zoor.

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.