1. Petro 1:18 - O Debleskro Lab 2024 (Sinte-Manouche)

¹⁸ T'mer djinenna, o Yezous Kristo playsras kek sonakay oun kek roup, – kova lauter ačell gar, – te lell lo t'men vin dran t'maro phouro djipen, hoy či moldo his, har djan ap ko drom, kay t'mare phoure djan.

O Debleskro Drom 2021 (Sinte)

¹⁸ Tumer djinenna, o Jesus Kristo plaissras kek sonakai un kek rup, – kowa lauter atchell gar, – te lell lo tumen win dran tumaro phuro djipen, hoi tchi moldo his, har djan ap ko drom, kai tumare phure djan.

1. Petro 1:18 ပူးပေါင်းရင်းမြစ်များ

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskri gili 62:10

I menshe hi či har i dourho. Tikne har bare hi či moldo. Te vans le ap i vaga čiddo, vans le lauter khetne lino gar phareder har i dourho.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Jesaja 52:3

Kava penell o baro Devel: Čičeske van t'mer bikedo, oun gar lovenge venn t'mer pale vin ginlo.

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Jeremia 4:11

An ko tsiro vell kol menshenge an Yerusalem penlo: I zorelo tatepen vell dran kol berge dran o moulo tato them pash t'mende. Kova hi kek phourdepen, hoy phourdell o phouss oun o čik krik,

Jeremia 44:17

Mer kamah kova te rikrell, hoy mer penam, oun koy bolepaskri rayetsake soungepaskro koova te rhačrell, oun lake mool vin čorell. Kova kram mer, oun kran mare phoure, mare bare raya oun pralstoune an i forya o themestar Youda oun an i dromma o forestar Yerusalem. Har kova kram, his men ninna doha maro, oun menge djas mishto, oun mer dikam kek bibarht.

Jeremia 9:14

Doleske penell o baro Devel, ko ray pral o bolepen oun i phoub, kay o Israeleskro Devel hi: Me dau kal menshen shoutlo zenlepen rhapaske, oun pani, kolestar merenn le.

Ezekiel 20:18

Oun me penom lengre čavenge an o moulo tato them: Ma rikrenn t'men ap kol laba, pal kolende t'mare phoure djivan! Ma djivenn pal lengre čačepangre laba! Rikrenn t'men pale lengre rhorhene deblendar, te venn t'mer gar pale-čiddo!

Amos 2:4

O baro Devel penell: I menshe an o them Youda kran pale te pale djoungelo koova. Miro drom oun mire laba his lenge či moldo. Oun yon kran gar, hoy lendar kamom. Yon moukan pen o čačo dromestar tele te anell oun mangan kol rhorhene deblen an, kolen ninna lengre phoure an-mangan. Doleske lenn le pengri phagi, oun khaytenn man gar.

Markus 8:37

I mensho nay dell či o Debleste, te lell lo ko djipen pale.

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

1. Korintarja 3:20

Hi ninna činlo: O Devel djinella, hoy an i menshengro dji glan djala, kay lengro gosvepen či molella.

1. Korintarja 6:20

O Devel playsras t'menge peskro čaveskro rateha. Doleske sharenn les t'maro tselo djipah!

1. Korintarja 7:23

O Devel playsras t'menge peskro čaveskro rateha. Ma denn t'men an i menshengre vasta!

Galatarja 1:4

Yob meras, te lell lo mari doosh ap peste. Kova kras lo, te lell lo men vin dran ko čilačo tsiro, an hoy mer djivah. Kova kamas o Devel, maro dad yaake.

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 9:12

Har o Yezous an o Debleskro kheer an o bolepen djas, anas lo gar i bakrengro rat peha, vitar gar i groumyengro rat. Na-a. Peskro rat anas lo glan o Debleste. Kova kras lo yek kopo oun gar boud kope. Oun yaake las lo mari doosh hako tsireske mendar.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.

1. Johanni 3:5

T'mer djinenna, kay o Yezous Kristo vas, te lell lo ko čilačo koova krik, hoy kram. T'mer djinenn ninna, kay an leste kek čilačepen hi.