1. Petro 1:14 - O Debleskro Lab 2024 (Sinte-Manouche)

¹⁴ T'mer han o Debleskre čave. Doleske shounenn ap leste, oun djivenn bouder gar yaake har an ko tsiro, kay prindjran t'mer o Debles gar oun kran o čilačepen, hoy an t'mende his.

O Debleskro Drom 2021 (Sinte)

¹⁴ Tumer han o Debleskre tchawe. Doleske shunenn ap leste, un djiwenn buder gar jaake har an ko tsiro, kai prindjran tumer o Debles gar un kran o tchilatchepen, hoi an tumende his.

1. Petro 1:14 ပူးပေါင်းရင်းမြစ်များ

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Remarja 6:4

Kote hi maro phouro djipen leha paskedo, te djivas mer kanna i nevo djipen, yaake har o Yezous Kristo i moulendar pre stas, har o Devel, maro dad, peskri bari zoryah les djido kras.

Efesarja 2:2

T'mer djan ap o čilačo drom, yaake har i vavar menshe, oun shounan ap o bengeste. Kova hi o ray pral i čilače zorya mashkral o bolepen oun i phoub. Oun yob boudrell an i djia kolendar, kay shounenn gar ap o Debleste.

Efesarja 5:6

Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

5. Mose 27:10

Doleske shounenn ap leste, oun rikrenn t'men ap leskre laba oun ap leskro čačepen, hoy t'menge kava dives penau!”

1. Tessalonikarja 4:5

I rhanč hounte rhal les gar pre, har kova hi pash i menshende, kay prindjrenn o Debles gar.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!