1. Petro 1:13 - O Debleskro Lab 2024 (Sinte-Manouche)

¹³ Doleske avenn gar khino an t'mare djia, oun denn garda, te ačenn ap o Debleskro drom! Dikenn ap ko baro lačepen, hoy o Devel dell t'men ap ko dives, kay vell o Yezous Kristo pale.

O Debleskro Drom 2021 (Sinte)

¹³ Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.

1. Petro 1:13 ပူးပေါင်းရင်းမြစ်များ

1. Rajengro liil 18:46

Oun o baro Debleskri zoor vas ap o Eliya, oun yob pandas i pereskri dori troul peskro ripen oun nashas glan o Ahab, bis te van le an o foro Yesreel.

2. Rajengro liil 4:29

O Elisa penas ap o Gehasi: “Čip tiro pereskri dori troul toute, oun le miro lengsto kasht an tiro vast, oun dja an Shounem! Te tapreh yekes ap o drom, ač gar tardo, te rakress leha! Oun te kamell yek touha te rakrell, le touke kek tsiro leske! Oun čip miro lengsto kasht ap ko čaveskro mouy!”

Hiob 38:3

Kanna ste pre har i morsh! Oun me poučau toutar. Oun tou peneh mange, hoy kamau te djinell.

Hiob 40:7

Kanna ste pre har i morsh! Oun me poučau toutar. Oun tou peneh mange, hoy kamau te djinell.

2. Mose 12:11

Yaake hounte rhan les: troul t'maro per i dori pandlo, i kirrha ap t'mare herya, oun i kasht an t'maro vast. Rhan o rhapen sik! Ko rhapen kharell Passa. T'mer rhan les, te sharenn man, t'maro baro Debles.

Jesaja 11:5

Hako tsiro krell lo o čačepen. Hako tsiro penell lo, hoy čačo hi. Doleske hi o čačepen troul leste har i pereskri dori troul i ripen.

Jeremia 1:17

Ab zoreles! Oun kre tout ap o drom! Oun pen lenge halauter, hoy me touke penau! Ma traash lendar, te krap me gar, te trashess tou glan lende!

Mateo 20:4

Ap kolende penas lo: Djan ap miro kotar them, oun boudrenn mange! Me dau t'men yaake boud love, har t'mari boudi moldo hi. Oun yon djan kote.

Louka 12:35

“Avenn hako tsiro mange koy! Oun moukenn gar t'mari momeli vin te djal!

Louka 17:30

Yaake djal kova ninna ap ko dives, kay o Mensheskro Čavo diklo vella.

Louka 17:8

Ko krenn t'mer gar. T'mer penenn leske: Rib tout trouyel oun kre mange rhapaske! An ko rhapen pash mande! Palle nay rhah oun piyeh tou ninna.

Remarja 13:13

Djivas yaake djoudjo, har djivenn i menshe ap o dives. Te djas gar kote, kay rhan le pen nasselo oun piyenn pen mato! Te kras gar vi-ladjedo koova! Te čingras gar, oun dikas gar čilače yakentsa ap kova, hoy o vavares hi!

Remarja 8:19

Halauter, hoy o Devel kras, dikell peskro tselo djiyeha ap ko tsiro, kay o Devel halauteren sikrella, koon leskre čave hi.

1. Korintarja 1:7

T'men hi haki zoor, hoy o Debleskro Dourho della. Oun t'mer dikenn ap ko dives, kay vell maro ray, o Yezous Kristo, pale.

1. Korintarja 13:13

Kanna ačenna menge kalla triin: – O patsepen ap o Debleste; – i barht, te djinah mer, te vell lauter mishto; – o Debleskro kamlepen. O bareder kol trinendar hi o Debleskro kamlepen.

Efesarja 6:14

Avenn yaake rido har i kourepaskro, kay djal an o kourepen! Troul leskro per hi i pessi zoreli dori, oun ap leskro beč i sasterno gad. Ap peskre pire rivell lo zorele kirrha. Glan leste rikrell lo i bourhli sasterni patri. Ap leskro shero hidjrell lo i sasterni stadi oun an leskro čačo vast i rharo. Djivenn an o čačepen! Kova hi yaake har te pandan i pessi zoreli dori troul t'maro per. Krenn kova, hoy hi mishto oun lačo! Kova hi har i sasterno gad ap t'maro beč.

Kolossarja 3:4

Ap ko tsiro, kay nay dikell hakeno o Yezous Kristes, dikenn le ninna t'men pash leste an leskro raylepen.

2. Tessalonikarja 1:7

T'mer, kay venn kanna palla lino, t'men dell lo i bari barht. Kova dell lo t'men mentsa khetne ap ko dives, kay vell maro ray Yezous pale dran o bolepen, oun lauter dikenn les. Leskre zorele bolepangre venn leha,

2. Timoteo 4:5

Tou, Timoteo, de yak har tou djiveh! Rike vin, ninna te krenn le touke o djipen phares! Pen i menshenge o lačo lab o Yezous Kristestar! Koy boudi das tout o Devel. Kre koy boudi mishto!

2. Timoteo 4:8

Kova, hoy kanna glan mande hi, hi ko shoukar koova, hoy kolla lenna, kay kran, hoy o Devel kamella. Oun kova dell man maro ray Yezous. Yob hi ko čačepaskro ray, kay djal pal o čačepen. Ko shoukar koova dell lo man ap ko dives, kay yob o čačepen vi-rakrell pral i tsele menshende. Ko shoukar koova dell yob gar mande kokres. Yob dell kova lauterende, kay dikenn o tselo djiyestar ap ko dives, kay vell lo pale.

Hebrearja 10:35

Doleske penau t'menge: Ma vitsrenn t'maro patsepen t'mendar! T'mer djinenn, havi barht lell kova, kay ap o Debleste rikrella.

Hebrearja 3:6

O Yezous Kristo hi o Debleskro čavo. Oun an leskre vasta hi o Debleskre menshe, ap kolende yob mishto garda della. Kolla ham mer, te čivah maro tselo patsepen ap leste, oun dah gar pre bis te lah o raylo djipen pash leste.

Hebrearja 6:19

Kava patsepen rikrell maro djipen, yaake har rikrell i zorelo saster i shiffo, te djal lo gar ap o pani nashedo. Oun kova, ap koleste patsah oun dikah, kova hi o Yezous. Yob djas glan mende pash o Debleste an o bolepen, yaake har djas o baro rashay an o phouro tsiro an o Debleskro kheer. Oun yaake vas o Yezous hako tsireske savo baro rashay, har glan i rah tsiro o Melkisedek his.

Hebrearja 9:28

yaake hounte meras o Yezous Kristo yek kopo i menshenge, te lell lo i doosh boud lendar ap peste. Ap ko tsiro, kay vell lo i douyto kopo, vell lo gar, te lell lo i doosh i menshendar krik. Na-a. Palle vell lo kolenge, kay čivan pengro dji ap leste, te lell lo len pash peste, oun te dell lo len lauter kova, hoy hi lenge an o bolepen.

1. Petro 1:10

Kol Debleskre rakepangre rakran glan i rah tsiro pral ko lačepen, hoy o Devel t'men della. Yon kaman te djinell, har nay lenn i menshe o Debleskro djipen an o bolepen.

1. Petro 3:15

O Yezous Kristo kokres te vell o ray an t'mare djia! Oun te poučenn le t'mendar čomone pral t'maro patsepen, ma darenn kek tsiro, te penenn lenge, ap koneste t'mer patsenna.

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

1. Petro 5:12

Maro lačo phraal, o Silvano, vas mange ap i rig, te činell lo kava tikno liil. An kava liil kamoms te penap t'menge an o dji, te djinenn čačepah: O Devel hi t'menge lačo. Ačenn pash leste!

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

1. Johanni 3:3

Oun hakeno, kay kova patsella, rikrell peskro dji djoudjo, te vell kek doosh ap leste, yaake har ap o Yezous Kristeste kek doosh hi.