1. Mose 50:17 - O Debleskro Lab 2024 (Sinte-Manouche)

¹⁷ Yaake hounte penenn ap o Yosefeste: Mangau tout, biste ko čilačo koova, hoy tire phrala ap toute kran! Doleske mangah mer, kay ninna tiro dadeskro Debles an-gole dah: Biste ko čilačepen, hoy mer kram!” Har o Yosef kova shounas, rovas yob.

O Debleskro Drom 2021 (Sinte)

¹⁷ ‘Jaake hunte penenn ap o Josefeste: Mangau tut, biste ko tchilatcho koowa, hoi tire phrala ap tute kran!’ Doleske mangah mer, kai ninna tiro dadeskro Debles an-gole dah: Biste ko tchilatchepen, hoi mer kram!” Har o Josef kowa shunas, rowas job.

1. Mose 50:17 ပူးပေါင်းရင်းမြစ်များ

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

1. Mose 45:8

Yaake han gar t'mer, kay anan man kate. O Devel anas man kay. Oun yob kras man dad pral o baro rayeste an o them Egiptia oun ray pral koleskro tselo kheer oun pral o tselo them Egiptia.

1. Mose 49:25

Tiro dadeskro Devel vell ap tiri rig. Yob hi o zorelo Devel. Yob dell tout brishin dran o bolepen oun pani dran i phoub, ninna boud čave oun firhe.

1. Mose 50:16

Doleske bičran le yekes pash o Yosefeste oun penan leske: “Tiro dad penas glan peskro merepen:

1. Mose 50:18

Oun leskre phrala djan pash leste oun čivran pen tele glan leste oun penan: “Ake, mer ham tire boudepangre!”

1. Mose 50:20

T'mer kaman te krenn mange čilačepen. O Devel las peske glan, te krell lo lauter mishto, yaake har hi kava dives: Boud menshe ačan djido.

Debleskri gili 21:11

Kek lengre čavendar ačenn djido, gar yek lendar ačell ap kay phoub.

Gosewe laba 28:13

Kova, kay peskri doosh khatrell, kova vell gar dour an peskro djipen. Kova, kay penell, hoy lo kras, oun moukell peskri doosh, hatsell o Debleskro kamlepen.

Mateo 10:42

Koon della yekes mire malendar i khoro shilo pani te piyell, koles dell o Devel čačepah ko lačepen pale, hoy yob kras.

Mateo 18:35

Oun o Yezous penas doureder: Te bistrenn t'mer gar o tselo djiyestar o čilačo koova, hoy i vavar phraal ap t'mende kras, yaake krell miro dad an o bolepen emligo t'mentsa.

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Mateo 6:12

Oun biste mari doosh, hoy mer ap mende anam! Oun ninna mer bistrah o čilačepen, hoy i vavar ap mende kran.

Markus 10:41

Oun har kol deesh kova shounan, van le rhoyemen ap kol douyende, ap o Yakobeste oun o Yohanneste.

Galatarja 6:10

Doleske kras lačo koova yaake boud, har krah nay, hake menshenge, boudeder kol patslenge.

Galatarja 6:16

Me kamoms, te dell o Devel peskri barht oun peskro kamlepen lauterende, kay rikrenn pen ap kal laba. Mou vell kova ninna ap i tsele Debleskre menshende an Israel!

Efesarja 4:32

Avenn kamlo yek ap o vavareste, oun lenn i dji o vavareske! Bistrenn o čilačepen, hoy o vavar ap t'mende kras! Ninna o Devel bistras t'maro čilačepen, har o Yezous Kristo t'menge meras.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.