1. Mose 41:38 - O Debleskro Lab 2024 (Sinte-Manouche)

³⁸ Oun o baro ray poučas peskre pralstoune boudepangrendar: “Nay hatsah mer i morsh har kava, kay o gosvepen o Deblestar an leste hi?”

O Debleskro Drom 2021 (Sinte)

³⁸ Un o baro rai putchas peskre pralstune budepangrendar: “Nai hatsah mer i mursh har kawa, kai o goswepen o Deblestar an leste hi?”

1. Mose 41:38 ပူးပေါင်းရင်းမြစ်များ

1. Mose 41:37

Oun ko lab his mishto o baro rayeske oun leskre tsele pralstoune boudepangre.

Esra 7:25

Oun tou Esra, čip o gosvepah, hoy tiro Devel tout dell, čačepangren oun rakepangren an i boudi dren, te rakrenn le o čačepen vin i tsele menshenge, kay vergel o panyestar Eufrat djivenna, halauterenge, kay i laba tiro Deblestar prindjrenn. Oun koon kal laba gar prindjrell, koleske sikrenn, hoy t'maro Devel lestar kamell!

Hiob 32:8

Hi čačo, kova, hoy krell i menshes gosevo, hi o dourho o zorelo Deblestar, koles yob an i mensheste dren čivas.

Gosewe laba 14:35

I baro ray dikell lačes ap peskro boudepaskro, kay lauter mishto hayvell. Oun leskri rholi vell ap koleste, kay vi-ladjedo koova krell.

Gosewe laba 22:29

Dikeh i morsh, kay peskri boudi hayvella, palle djiness, kova nay boudrell bare rayenge. Savenge, kay gar an-diklo hi, boudrell lo gar.

Jesaja 19:11

I pralstoune dran o foro Soan hi dinele, i goseve rakepangre o baro rayestar Farao penan leske narvelo koova. Har nay penenn le leske: Mer ham i čave goseve morshendar, mare phoure his bare raya an o phouro tsiro?

Daniel 4:18

oun koleskre patria shoukar his, oun koles yaake boud roukengre hidjras, te his hakeneske doha te rhal, tel koleste i veshengre firhe čiddo his oun i čirkle ap leskre kashta beshdo his,

Daniel 4:6

“Beltsazar, tou pralstouno pral i tsele siklende, djinau, te hi o dourho i bolepangre deblendar an toute, oun touke hi či khatedo. Yaake pen mange, hoy miri souni kamell te penell!”

Daniel 5:11

Koy hi i morsh an tiro them, an koleste hi o dourho i bolepangre deblendar. An kol divessa, har tiro dad o baro ray his, sikras pes, kay an leste yaake boud gosvepen hi har i deblen hi. Yob hayvell oun djinell, hoy kek vavar hayvell oun djinell. Oun tiro dad Neboukadnezar čivas les pral i tsele dourkepangre oun dravepangre oun pral kolende, kay an i bolepangre momlia draverenn, oun kay i moulen poučenn.

Daniel 5:14

Me shounom, te hi o dourho o bolepangre deblendar an toute. Ninna vell touke kova siklo, hoy i vavarenge khatedo ačell, oun hal gosevo oun djineh boud koova.

Daniel 6:3

Oun pral kolende čivas lo triin rayen. Yek kolendar his o Daniel. Kolenge hounte penenn i pralstoune, kitse love yon an pengro them dre-lan oun vi-dan, oun hoy le lauter kran, yaake te hounte dikas gar o baro ray ap savo koova.

Daniel 6:4

Oun o Daniel his gosveder oun feteder har kol tsele vavar raya oun pralstoune. Oun doleske his o baro rayes an peskro dji, te čivell lo les pral o tselo rayeskro them.

4. Mose 27:18

Oun o baro Devel penas ap o Moseste: “Le o Yosua pash toute, koleskro dad o Noun hi. O Yosua hi i morsh, ap koleste miro dourho čiddo hi. Oun čip tire vasta ap leste,