1. Mose 40:20 - O Debleskro Lab 2024 (Sinte-Manouche)

²⁰ Ap o triinto dives his o dives, kay vas o baro ray i bersh phoureder. Oun yob kras i baro rhapen kol tsele pralstunenge, kay leske boudran, oun moukas kol douyen, ko pralstounes pral o pipen oun o pralstounes pral o maro, dran o stilepen vin.

O Debleskro Drom 2021 (Sinte)

²⁰ Ap o triinto diwes his o diwes, kai was o baro rai i bersh phureder. Un job kras i baro chapen kol tsele pralstunenge, kai leske budran, un mukas kol dujen, ko pralstunes pral o pipen un o pralstunes pral o maro, dran o stilepen win.

1. Mose 40:20 ပူးပေါင်းရင်းမြစ်များ

1. Mose 21:8

Oun ko čavo vas bareder oun piyas bouder gar ap i beč. Ap ko dives, har yob bouder gar ap i beč piyas, kras o Abraham i baro rhapen.

1. Mose 40:13

An triin divessa moukell tout o baro ray dran o stilepen vin oun dell tout pale tiri boudi. Oun tou deh o baro rayeste pale te piyell, yaake har tou kral, har tou o pralstouno pral leskro pipen hals.”

1. Mose 40:19

An triin divessa moukell tout o baro ray dran o stilepen vin oun bladell tout ap i kasht. Oun i čirkle rhan tiro mass toutar krik.”

1. Rajengro liil 3:15

Oun har o Salomo pre djangras, hayvas lo, kay yob i souni das. Oun yob vas an o foro Yerusalem, oun ačas glan o morhton tardo, kay o Debleskre deesh laba dren his. Oun yob moukas firhen te marell. Boud lendar van tseles rhačedo o Debleske. Oun vavarendar rhačran le o thulepen oun kotya mass, te parkrenn le pen pash o Debleste. Ko vavar mass rhan le khetne. Oun o Salomo kras i baro rhapen oun moukas i tsele pralstunen, kay leske boudran, te vell.

2. Rajengro liil 25:27

Har o Evil-Merodak o baro ray pral Babilonia vas, moukas lo gomme an kava bersh o Yoyakin, ko rayes pral o them Youda dran o stilepen te lell. Kova his an o 37. (triyanda-te-eftato) bersh, har o Yoyakin krik anlo vas, ap o 27. (biish-te-eftato) dives an o deesh-te-douyto čon.

Ester 1:3

Har yob o triinto bersh o baro ray his, kras yob i baro festo i tsele pralstunenge oun barenge: kolenge, kay his pralstoune pral kol boud lourdende an i themma Persia oun Media, ninna kol bravelenge oun themeskre rayenge dran peskre tsele themma.

Hiob 3:1

Pal kova kras o Hiob peskro mouy pre, oun praasas ko dives, kay lo boldo vas.

Debleskri gili 105:19

bis te vas ko tsiro, kay ko lab čačo vas, hoy o Yosef o baro Deblestar las oun glan-vi penas.

Jeremia 52:31

Har o Evil-Merodak o baro ray pral Babilonia vas, moukas lo gomme an kava bersh o Yoyakin, ko rayes pral o them Youda dran o stilepen te lell. Kova his an o 37. (triyanda-te-eftato) bersh, har o Yoyakin krik anlo vas, ap o 25. (biish-te-pančto) dives an o deesh-te-douyto čon.

Mateo 14:6

Koy vas ko dives, kay vas o Herodes i bersh phoureder. Oun yob moukas i baro rhapen te krell. Oun i Herodiakri čay vas, oun khelas glan leste oun glan kolende, kay pash leste hi. Oun lakro khelepen his yaake shoukar an leskre yaka,

Mateo 25:19

Oun pal i rah tsiro vas lengro ray pale oun moukas peskre boudepangren glan leste te anell, te lell lo lendar kol love, hoy yon leske khetne anan.

Markus 6:21

Koy vas i dives, kay hi mishto i Herodiake. O Herodes vas i bersh phoureder oun moukas i baro rhapen te krell. Pash ko rhapen van i pralstoune pral peskro them, ninna i pralstoune lourde. Oun i bravele dran o them Galilea his ninna koy.