1. Mose 40:19 - O Debleskro Lab 2024 (Sinte-Manouche)

¹⁹ An triin divessa moukell tout o baro ray dran o stilepen vin oun bladell tout ap i kasht. Oun i čirkle rhan tiro mass toutar krik.”

O Debleskro Drom 2021 (Sinte)

¹⁹ An triin diwessa mukell tut o baro rai dran o stilepen win un bladell tut ap i kasht. Un i tchirkle chan tiro mass tutar krik.”

1. Mose 40:19 ပူးပေါင်းရင်းမြစ်များ

1. Mose 40:13

An triin divessa moukell tout o baro ray dran o stilepen vin oun dell tout pale tiri boudi. Oun tou deh o baro rayeste pale te piyell, yaake har tou kral, har tou o pralstouno pral leskro pipen hals.”

1. Mose 40:17

An o pralstouno kashteno čaro his lauter lačo peklo koova o baro rayeske. Oun čirkle van oun rhan lauter dran o čaro ap miro shero krik.”

1. Mose 40:18

Penas o Yosef: “Kay souni penell menge: Kol triin čare hi triin divessa.

1. Mose 40:20

Ap o triinto dives his o dives, kay vas o baro ray i bersh phoureder. Oun yob kras i baro rhapen kol tsele pralstunenge, kay leske boudran, oun moukas kol douyen, ko pralstounes pral o pipen oun o pralstounes pral o maro, dran o stilepen vin.

1. Mose 40:22

Oun o pralstounes pral o maro moukas yob te bladell ap i kasht, yaake har o Yosef lenge glan-vi penas.

1. Mose 41:13

Oun yaake har yob penas, yaake vas kova. Man das o baro ray pale miri boudi. Oun o vavares moukas yob ap i kasht te bladell.”

2. Samuel 21:10

Koy las i Rizpa, kolakro dad o Aya his, i gono oun čivas kova ap i baro bar, oun beshas pes koy pre oun ačas kote yaake rah har yon o djob tele činan, bis te peras o brishino dran o bolepen ap kol moulende, kay koy bladedo his. Oun ap o dives moukas li gar kol čirklen ap lende te vell, vitar gar rati i vesheskre firhen.

2. Samuel 21:6

dran leskro kheer denn men efta morshen, te bladas len pre glan o baro Debleste an o foro Gibea, hoy o foro o Saulestar hi, koles o baro Devel vin rodas.” Penas o David: “Me dau len t'mende.”

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

Ezekiel 39:4

Ap i berge Israel veh tou moulo dino, tou oun tire tsele lourde, ninna kol lourde dran vavar themma, kay touha van. Oun me dau t'men i divye firhenge oun hake čirklenge, kay mass rhan, te rhal.

Bičepangre 20:27

Me moukom gar tele, te penap t'menge halauter, hoy o Devel t'menge kras.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.

Josua 10:26

Oun pal kova moukas o Yosua kol panč rayen moulo te dell, oun ap panč rouka pre te bladell. Oun yon ačan koy bis ap i rat.

Josua 8:29

Oun o baro rayes o forestar Ai moukas lo ap i rouk pre te bladell. Bis ap i rat ačas yob ap i rouk. Oun har o kham tele djas, penas o Yosua, te lenn le ko moules o roukestar tele. Oun yon lan les tele oun vitsran les glan o foreskro baro voudar, oun čivan boud barra ap leste pre, hoy gomme kava dives koy hi.

1. Samuel 17:44

oun penas ap o David: “Ab kay pash mande, te dap tiro mass te rhal i čirklende oun i divye firhende!”

1. Samuel 17:46

Kava dives dell o baro Devel tout an miro vast. Oun me dau tout moulo, oun dau tiro shero toutar tele. Oun kava dives dau i tsele moule lourden t'mendar Filistarya i čirklende tel o bolepen te rhal oun i divye firhende ap kay phoub. Palle dikenn oun hayvenn le an i tsele themma, te hi i Israelitaryen i Devel.