1. Mose 37:34 - O Debleskro Lab 2024 (Sinte-Manouche)

³⁴ Oun o Yakob kras peskre ripya paash i doukatar. Oun čivas i gono troul peste oun rovas i rah tsiro pral peskro čaveste.

O Debleskro Drom 2021 (Sinte)

³⁴ Un o Jakob kras peskre ripja paash i dukatar. Un tchiwas i gono trul peste un rowas i rah tsiro pral peskro tchaweste.

1. Mose 37:34 ပူးပေါင်းရင်းမြစ်များ

1. Mose 37:29

Har vas o Ruben pale pash i grouba oun dikas, kay o Yosef bouder gar dren his, kras yob peskre ripya paash i doukatar.

1. Mose 42:38

“Na-a”, penas o Yakob. “Miro čavo djal gar t'mentsa! Leskro phraal hi moulo. Oun yob kokres ačas mange leskri datar i Rachel. Me hom i phouro rom. Te taprels les i bibarht ap o drom, meraus i bari doukatar.”

1. Mose 44:13

Koy kran le pengre koola an kotya i doukatar. Oun hadan pengre gone pale ap i bourike oun djan pale an o foro.

2. Samuel 1:11

Koy tapras o David ap peskre koola, oun kras len paash i doukatar. Oun kol morsha, kay pash leste his, kran kova ninna yaake.

2. Samuel 3:31

O David penas ap o Yoab oun ap kol tsele menshende, kay pash leste his: “Krenn t'mare koola paash, oun čivenn i gono troul t'mende, oun rovenn pral o Abner, kay moulo hi!” Oun o baro ray djas pal o morhton, kay o moulo Abner dren his.

1. Rajengro liil 20:31

Kote rakran leskre bare morsha leha oun penan: “Dik, mer shounam, kay i bare raya dran o kheer Israel lače raya hi. Mouk men vin te djal pash o rayeste pral Israel, i goneha troul mende pandlo, oun i dori troul mari meen, te sikras mer leste, te hi lo maro ray. Yaake kamah lestar tiro djipaske te mangell.”

1. Rajengro liil 21:27

Har shounas o Ahab kal laba, tserdas lo peskri plaashka an kotya, rivas peske i gono trouyel, rhas či, oun rakras bouder gar. Ninna o sopaske rivas lo o gono gar vin.

2. Rajengro liil 19:1

Har o baro ray Hiskiya kova shounas, kras lo peskre koola paash oun rivas i gono ap peste, oun djas an o baro Debleskro kheer.

2. Rajengro liil 2:12

O Elisa dikas kova oun das gole: “Miro dad, miro dad, tou baro kourepaskro i Israelenge!” Oun dikas les gar bouder. Koy tapras yob peskre koola oun phagas len an douy kotya,

2. Rajengro liil 22:11

Yaake vas, har o baro ray i laba dran ko liil shounas, kras lo peskre koola paash, kay ap leste his.

1. Familjakro liil 21:16

Oun o David dikas pral oun dikas ko bolepaskres o baro Deblestar tardo mashkral i phoub oun o bolepen. An leskro vast his i rharo, koleha sikras lo pral o foro Yerusalem. Kote peras o David oun i phoureder ap pengro mouy. Halauter his le an gone an-rido.

1. Familjakro liil 7:22

Oun lengro dad, o Efrayim, rovas i rah tsiro, oun leskre phrala van, te rakrenn leha lače laba.

Nehemia 9:1

Oun ap o 24. (biish-te-starto) dives an kava čon van i Israelitarya khetne, oun yon rhan či oun rivan pen an gone oun čivan čik ap pengre sherya.

Hiob 1:20

Kote stas o Hiob pre, oun zoryah tserdas lo peskre pralstoune koola pestar tele, oun kras len paash, yaake boud doukas leskro dji. Yob činas peskre balla tele, moukas pes ap i phoub te perell oun mangas o Debles an.

Hiob 16:15

Me sivom mange i gono troul mande, oun hom čiddo kek zoryah an i čik.

Hiob 2:12

Har dikan le les foun doural, prindjran le les gar bouder pale. Oun yon rovan phares. Oun zoryah tserdas hakeno lendar peskre koola pestar tele, oun kras len paash. Oun yon vitsran čik pre oun ap pengre sherya.

Debleskri gili 69:11

Rovom oun kamom či te rhal, oun yon san man doleske vin.

Jesaja 32:11

Trissenn, t'mer djouvya, kay t'menge kek shero krenn, trissenn i daryatar, t'mer, kay dikenn kokres ap t'mende! Rivenn t'mare ripya vin, oun čivenn i gono troul t'mende!

Jesaja 36:22

Oun kol triin pralstoune, kolen o Hiskiya bičras, o Elyakim, ko pralstouno pral leskro kheer, koleskro dad o Hilkiya hi, oun o Shebna, kay činas i lila, oun o moskro Yoa, koleskro dad o Asaf hi, yon kran pengre koola paash i doukatar oun djan pash o Hiskiya oun penan leske kol laba, kay ko pralstouno dran o them Assour ap lende penas.

Jeremia 36:24

Kek kolendar, kay shounan kol laba, las traash oun sikras, kay kol laba leske an o dji djan, gar o baro ray oun vitar gar kol pralstoune pash leste.

Jeremia 48:37

I morsha činan o tselo baal ap pengre shere tele, ninna pengre čora, te sikrenn le, kay lenge ropaske hi. Lengre vasta hi pre činle. Oun hakeno rivas i gono pral peste.

Joel 2:13

Tserdenn t'mare djia an kotya oun gar t'mare ripya!” Oun djan pale pash t'maro baro Debleste! Les hi i baro dji, pherdo kamlepen. Yob vell gar sik rhoyedo. Leskro lačepen hi baro. Oun koy phagi, hoy kamas lo te dell, lell lo pale.

Mateo 11:21

Oun yob penas: Bibarhtelo venna t'mer menshe an o foro Korazin! Bibarhtelo venna t'mer menshe an o foro Betsayda! Te krals yek an i forya Tirus oun Sidon savo baro koova an o Debleskri zoor, har me pash t'mende krom, rivans i menshe kote i gono troul pende, oun čivans yagakri čik ap pengre shere, te sikrenn le, kay lengro čilačepen khaytell len. Oun yon moukans pengro čilačo drom, oun djans ap o Debleskro drom.

Mateo 26:65

Koy kras o baro rashay peskro ripen paash, te sikrell lo peskri rholi, oun penas ap i vavar pralstunende: “Yob krell pes har o Devel. T'mer shounan les. Kek hounte penell menge boudeder.

Bičepangre 14:14

Har o Barnabas oun o Paulo kova shounan, kran le pengre ripya paash oun stan mashkral kol menshende, oun dan gole:

Josua 7:6

Har o Yosua kova dikas, doukas leskro dji yaake, te kras lo peskre koola, hoy ap leste his, paash, oun moukas pes i mouyeha ap i phoub te perell, – glan o morhton, kay o baro Debleskre deesh laba dren his, oun ačas yaake čiddo bis ap i rat. Ninna i phoureder an Israel kran kova yaake. Oun yon vitsran čik ap pengre shere.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”

Čačepangre 11:35

Oun har yob lat dikas, kote tserdas lo i koola pestar tele, oun penas: “Ah miri čay, havi bari douk kreh tou mange! Miro dji rovell touke! Me dom o baro Debleste miro lab, oun nay lau les gar bouder pale.”