1. Mose 37:25 - O Debleskro Lab 2024 (Sinte-Manouche)

²⁵ Palle beshan pen le tele oun rhan. Dour glan lende dikan le Ismaelarya. Kolla van dran ko them Gilead oun djan an o them Egiptia. Len his khamele. Kolla hidjran kouč roukengro djet, hoy soungella mishto.

O Debleskro Drom 2021 (Sinte)

²⁵ Palle beshan pen le tele un chan. Dur glan lende dikan le Ismaelarja. Kolla wan dran ko them Gilead un djan an o them Egiptia. Len his khamele. Kolla hidjran kutch rukengro djet, hoi sungella mishto.

1. Mose 37:25 ပူးပေါင်းရင်းမြစ်များ

1. Mose 31:21

Oun o Yakob oun halauter, hoy les his, nashan oun djan pral o lengsto pani Eufrat. Oun djan ap o drom an i berge, kay kharenna Gilead.

1. Mose 31:23

Oun o Laban las peskre phralen peha. Oun khetne lan le o Yakobes palla efta divessa oun hatsan les ap i berge Gilead.

1. Mose 37:24

Oun lan o Yosefes oun vitsran les an i grouba. Koy his kek pani dren.

1. Mose 37:28

Har i parepangre dran o them Midian pashel van, tserdan les o Yosefeskre phrala dran i grouba vin, oun bikran les ap i Ismaelarya, oun lan lendar biish roupene kotya. Oun yon anan o Yosefes an o them Egiptia.

1. Mose 37:36

Oun i parepangre dran o them Midian bikran o Yosefes an o them Egiptia ap yekeste kol rayendar, kay an o baro rayeskro kheer hi. Leskro lab his Potifar. Yob his o pralstouno kolendar, kay denn garda ap o baro rayeste pral o them Egiptia.

1. Mose 39:1

I Ismaelarya anan o Yosefes an o them Egiptia. Kote ginas les lendar i Egiptari. Leskro lab his Potifar. Kova his yek kol rayendar, kay an o kheer o baro rayestar pral o them Egiptia hi. Yob his ninna o pralstouno i lourdendar, kay denn garda ap o baro rayeste.

1. Mose 43:11

Oun o Israel, lengro dad, penas ap lende: “Te djal gar vavarčandes, krenn kova: Lenn o feteder dran maro them oun anenn les ko romeste: kouč roukengro djet oun gvin, khorya oun mandle.

Ester 3:15

Oun kol naashepangre djan sik vin, yaake har o baro ray penas. Oun an o zorelo kheer an o foro Susa vas ko liil kote ap i kasht dino, kay nay dikell les hakeno. Oun o baro ray oun o Haman beshan pen tele, te rhan oun piyenn le. O tselo fores Susa tapras i daar.

Debleskri gili 14:4

“Djinenn kol čilače gar, hoy yon krenna”, penell o baro Devel, – “kolla, kay rhan mire menshen har i kotar maro? Oun ap mande denn le gar gole.”

Debleskri gili 83:6

Yon hi yek dji oun yek djipen oun kran vin, te djan le ap toute:

Gosewe laba 30:20

I djouvel, kay rhorhell peskro romes oun sovell i vavareha, thovell pes pal kova oun penell: “Me krom kek čilačepen”, yaake har te rhals li oun thovals peske o mouy tele.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Jeremia 22:6

Oun kova hi, hoy o baro Devel penell pral o kheer o baro rayestar pral o them Youda: Ninna te kamau kava kheer yaake har i vesha an o them Gilead oun i berge Libanon, krau kava foro har i moulo foro, kay kek bouder djivell.

Jeremia 46:11

Tou bibarhteli Egiptia, ninna te djah pral an o them Gilead, oun leh touke djet tiro doukepaske, hi kova čičeske. Hi yek, har boud draba oun djet tou leh, kova nay krell tout gar sasto.

Jeremia 8:22

Hi an o them Gilead kek doukepaskro djet? Hi kek dramaskro koy? Hoske dell kek sastepen mire menshenge?

Ezekiel 47:18

Oun koy rig o themestar Israel djal foun kotar, kay o kham pre djal, mashkral o foro Hauran oun o foro Damaskus doureder langs o lengsto pani Yordan bis tele pash o Londo Baro Pani. O Yordan nashell mank o them Israel oun o them Gilead. Pash o Londo Baro Pani djal o them Israel bis pash o foro Tamar. Yaake dour djal o them Israel ap koy rig, kay o kham pre djal.

Amos 6:4

Har djoungeles djal t'menge, kay han kanna čiddo ap čibya shoukar kerde i dandentsa foun i elefante, oun moukenn t'menge koy lačes te djal. T'mer denn t'men o per pherdo o masseha i tikne bakrendar oun terne thoulle groumyendar,

Amos 6:6

Mool piyenn t'mer dran khore, oun makenn t'men dren o feteder djeteha. Oun t'men hi gar ropaske pral o kheer Yosef, hoy paash dino vell.

Josua 13:11

o them Gilead; oun ko them, kay djivenn i Geshourarya oun i Maakatarya; oun i tsele berge, hoy kharenn Hermon; oun ko tselo them Bashan bis pash o foro Salka;