1. Mose 36:33 - O Debleskro Lab 2024 (Sinte-Manouche)

³³ Har o Bela meras, vas o Yobab dran o foro Bozra o baro ray. Leskro dad his o Zera.

O Debleskro Drom 2021 (Sinte)

³³ Har o Bela meras, was o Jobab dran o foro Bozra o baro rai. Leskro dad his o Serach.

1. Mose 36:33 ပူးပေါင်းရင်းမြစ်များ

1. Mose 36:32

O Bela his o baro ray pral o Edom. Leskro dad his o Beor. Oun ko lab leskro forestar his Dinaba.

1. Mose 36:34

Har o Yobab meras, vas o Housham o baro ray. Yob his dran o them Teman.

Jesaja 34:6

O rharo o baro Deblestar hi pherdo rat oun thulepen, yaake har i čouri pherdo rat oun boukengro thulepen hi ap ko dives, kay venn terne bakre, bouzya oun morsh bakre maredo o Debleske. Kanna rikrell o baro Devel i marepaskro dives an o foro Bozra, oun marell boud boud menshen an o them Edom.

Jesaja 63:1

Koon hi kova, kay vell dran o them Edom dran o foro Bozra, rido an lole koola? Koon hi kova, kay hi yaake rayles rido, oun kay nashell rayles an peskri bari zoor. Kova hom me, o baro Devel, kay rakrell an o čačepen: Man hi i zoor, te lap t'men dran o merepen vin.

Jeremia 48:24

Keryot, Bozra, oun pral i tsele vavar forya an o them Moab, kolla, kay dour hi, oun kolla kay gar dour hi.

Jeremia 49:13

Me, o baro Devel, dom man pash mande kokres sovel, te vell t'maro foro Bozra i foro, kolestar i menshe i trashatar pengro shero krik rissrenn. Pral koleste ladjenn le pen, yaake paash dino vell ko foro. Te kamell yek o vavares te praasell, penell lo: Mou djal touke har o foreske Bozra! Ninna i tsele vavar foryendar an o them Edom ačell či pral har barra hako tsireske!

Jeremia 49:22

Dik, yob vella pral o them har i adlari, oun čivell peskre moussya pral o foro Bozra. An ko tsiro hi i djia kol čače morshendar an o them Edom yaake dareno, har ko dji i djouvyatar, kay anell i ternepen ap i phoub.

Amos 1:12

Me bičrau i yag an o foro Teman, oun rhačrau i zorele khera tele an o foro Bozra.

Micha 2:12

T'mer, Yakobeskre čave, me anau t'men khetne, – halauteren, kay ačan pral foun o tselo Israel. Anau t'men khetne, har anell i bakrengro peskre bakren an lengro kheer. Yaake har anell lo peskre boud bakren kote, kay le khere hi, yaake anau t'men an t'maro them. Oun o them vell pherdo t'mendar.