1. Mose 35:5 - O Debleskro Lab 2024 (Sinte-Manouche)

⁵ Oun yon kran pen ap o drom. Oun o Devel čivas i daar ap kol menshende, kay djivan an i forya troul lende. Oun kolla lan len gar palla.

O Debleskro Drom 2021 (Sinte)

⁵ Un jon kran pen ap o drom. Un o Dewel tchiwas i daar ap kol menshende, kai djiwan an i forja trul lende. Un kolla lan len gar palla.

1. Mose 35:5 ပူးပေါင်းရင်းမြစ်များ

1. Mose 34:30

Koy penas o Yakob ap o Simeon oun ap o Levi: “T'mer anan bibarht oun ladj ap mande pash kolende, kay djivenn an kava them: pash i Kanaanitarya oun i Perisarya. Mer ham gar boud menshe. Te venn yon lauter khetne oun perenn pral mende, denn le men moulo. Oun me merau miri tseli familyah.”

1. Mose 35:4

Oun yon dan o Yakobeste pengre tsele deblen dran barra oun kashta, hoy yon an-mangan, oun i tsele kanengre, hoy an lengre kanda his. Oun o Yakob paskras len tel o baro rouk pash o foro Sichem.

2. Familjakro liil 14:13

Oun pral kol tsele forya troul o foro Gerar vas i bari traash o baro Deblestar. Yaake nay lan i lourde dran Youda ninna kal tsele forya dren, oun čoran i tsele forya vin, oun hatsan kote boud kouč koova.

2. Familjakro liil 14:14

Ninna djan le ap i plarhtene khera pre, kay kolla djivan, kay dan garda ap pengre firhe, oun lan boud bakre oun khamele pentsa. Pal kova djan le pale an o foro Yerusalem.

2. Familjakro liil 17:10

Ap i tsele themma, hoy troul o them Youda čiddo his, moukas o baro Devel i traash te vell, yaake te djas kek an o kourepen o rayeha Yosafat.

Debleskri gili 105:14

Oun o Devel das yak, te taprell len kek an. Oun i bare rayen pral kol themma das lo trad oun penas lenge:

Debleskri gili 14:5

Sik vell ko tsiro, kay perenn le an i daar. O Devel rikrell pash kolende, kay an o čačepen tardo hi.

2. Mose 23:27

An hako them, kay tou djah, krau me i menshenge savi daar glan toute, te nashenn le i daryatar penge.

2. Mose 34:24

Me tradau i tsele vavar menshen glan t'mende krik, oun krau t'maro them bareder. Yaake vell kek an t'maro them, te lell lo peske i kotar them ap ko tsiro, kay djan t'mer triin kope an o bersh pash t'maro baro Debleste, te venn khetne glan leste.

5. Mose 11:25

Kek nay ačell glan t'mende tardo, Traash oun daar moukell t'maro baro Devel ap i menshende an o tselo them te vell glan t'mende, yaake har yob les t'menge penas.

5. Mose 2:25

Kava divesseha krau te darenn t'mendar i menshe an hake themma. Koon t'mendar shounella, trashell oun trissell i daryatar.”

Josua 5:1

Oun i tsele bare raya pral i Amorarya, kay ap koy rig o panyestar Yordan djivan, kay o kham tele djal, ninna i tsele bare raya pral i Kanaanitarya, kay pash o Baro Pani djivan, kolla halauter shounan, har las o baro Devel o pani dran o Yordan krik glan i Israelitarya, bis te yon halauter ap i vavar rig his. Oun har yon kova shounan, vas bari traash ap lende, oun an kekeste ačas i zoor te djal lo pre ap i Israelitarya.

1. Samuel 11:7

Oun yob las douy groumya oun činas len an kotya, oun bičras kol bičepangre kol kotyentsa mass an o tselo them Israel trouyel oun moukas te penell: “Koon djal gar vin an o kourepen o Sauleha oun o Samueleha, kolengre groumyenge djal yaake har kalenge!” Koy peras o baro Debleskri daar ap i tsele menshenge, oun i tsele morsha djan vin har te vans le yek morsh.

1. Samuel 14:15

Oun i bari daar peras ap kol Filistarya, – ap lengri platsa oun ninna vin ap o them – ap kol tsele lourdende, ninna ap kolende, kay yak denn oun ap kolende, kay vin djan, te randenn le. Oun i phoub trissas. Yaake bičras o Devel i bari daar ap i tsele Filistarya.