1. Mose 35:23 - O Debleskro Lab 2024 (Sinte-Manouche)

²³ I čave, kolen i Lea ap i phoub anas his o Ruben, ko phoureder čavo o Yakobestar. Pal leste vas o Simeon, o Levi, o Youda, o Issakar oun o Zabulon.

O Debleskro Drom 2021 (Sinte)

²³ I tchawe, kolen i Lea ap i phub anas his o Ruben, ko phureder tchawo o Jakobestar. Pal leste was o Simeon, o Levi, o Juda, o Issachar un o Sebulon.

1. Mose 35:23 ပူးပေါင်းရင်းမြစ်များ

1. Mose 29:16

O Labanes his douy ča. Koy phoureder kharas Lea, koy terneder Rachel.

1. Mose 29:31

Har o baro Devel dikas, kay o Yakob i Lea gar kamas, kras yob, kay i Lea anas nay čaven ap i phoub. I Rachel nay las kek čaven.

1. Mose 33:2

Oun yob čivas kol douy boudepangre pengre čaventsa glan i vavarende. Pal lende čivas lo i Lea pengre čaventsa oun pal kolate i Rachel oun o Yosef.

1. Mose 49:3

Tou, o Ruben, miro phoureder čavo hal, miri zoor hi an toute. Har homs terno oun zorelo, vom tiro dad. Tou hal bareder oun zorleder har tire phrala.

1. Familjakro liil 12:25

Dran o kheer Youda: 6.800 lourde, kay hidjran shilte oun vitsepangre čourya;

1. Familjakro liil 27:16

Kalla his i pralstoune pral kol deesh-te-douy bare familye an Israel: pral i familya Ruben: o Eliyeser, koleskro dad o Zikri his; pral i familya Simeon: o Shefatya, koleskro dad o Maaka his;

2. Mose 1:1

Kolla hi kol laba kol morsh čavendar, kay van o Yakobeha an o them Egiptia. Hakeno vas peskri familyah:

Ezekiel 48:30

Troul o foro Yerusalem hi i massouri, hoy ap haki rig 2.250 (douy-zerya-douy-sheel-te-paash-sheel) metarya lengsto hi. An haki rig hi triin bare voudya. Oun kol voudya kharenn har i laba o Yakobeskre 12 (deesh-te-douy) čavendar. Ap i nordetikri rig: o voudar Ruben oun o voudar Youda oun o voudar Levi. Ap i rig, kay o kham pre djal: o voudar Yosef oun o voudar Benyamin oun o voudar Dan. Ap i rig, kay o kham pralstounes tardo hi: o voudar Simeon oun o voudar Issakar oun o voudar Zabulon. Ap i rig, kay o kham tele djal: o voudar Gad oun o voudar Asser oun o voudar Naftali.

4. Mose 1:20

I laba kol tsele morshendar, kay his biish bersh oun phoureder oun zorelo doha, te nay venn le lourde, van an lila dren činlo, hakeno pal peskri familya oun dadeskro lab. Kolla his: 46.500 morsha dran o kheer Ruben, o Yakobeskro phoureder čavo. 59.300 morsha dran o kheer o Simeon. 45.650 morsha dran o kheer Gad. 74.600 morsha dran o kheer Youda. 54.400 morsha dran o kheer Issakar. 57.400 morsha dran o kheer Zabulon. 40.500 morsha dran o kheer Efrayim. 32.200 morsha dran o kheer Manasse. 35.400 morsha dran o kheer Benyamin. 62.700 morsha dran o kheer Dan. 41.500 morsha dran o kheer Asser 53.400 morsha dran o kheer Naftali.

4. Mose 1:5

Kalla hi kol laba kol morshendar, kay ap t'mari rig venn: Dran o kheer Ruben: o Elizour, leskro dad hi o Shedehour.

4. Mose 10:14

Kol menshe dran o kheer Youda his i glanstoune, kay djan vin. Lengro pralstouno his o Nashon, koleskro dad o Amminadab hi. Lentsa djan kol menshe dran o kheer Issakar oun dran o kheer Zabulon. I pralstouno pral o kheer Issakar his o Netanel. Leskro dad hi o Souar. Oun o pralstouno pral o kheer Zabulon his o Eliab. Leskro dad hi o Helon.

4. Mose 13:4

Oun lengre laba hi: Shamoua, koleskro dad o Zakour hi, dran o kheer Ruben.

4. Mose 2:3

I platsa kol menshenge dran o kheer Youda hi glan o Debleskro kheer ap koy rig, kay o kham pre-djala, pash pengri pre-čiddi plarhta. Pash lende hi ninna lengre lourde, 74.600 (efta-deesh-te-star-zerya-shob-sheel) morsha. Lengro pralstouno hi o Nashon, koleskro dad o Amminadab hi.

4. Mose 26:5

O kheer Ruben: O Ruben his o Yakobeskro phoureder čavo. Leskre čave his o Henok, o Pallou,

4. Mose 34:19

Oun kalla hi kol laba kol morshendar: dran o kheer Youda: Kaleb, koleskro dad hi o Yefunne; dran o kheer Simeon: Shemuel, koleskro dad hi o Ammihoud; dran o kheer Benyamin: Elidad, koleskro dad hi o Kislon; dran o kheer Dan: Boukki, koleskro dad hi o Yogli; dran o kheer Manasse: Hanniel, koleskro dad hi o Efod; dran o kheer Efrayim: Kemuel, koleskro dad hi o Shiftan; dran o kheer Zabulon: Elizafan, koleskro dad hi o Parnak; dran o kheer Issakar: Paltiel, koleskro dad hi o Asan; dran o kheer Asser: Ahihoud, koleskro dad hi o Shelomi; dran o kheer Naftali: Pedahel, koleskro dad hi o Ammihoud.

4. Mose 7:12

Oun yaake anan le pengro koova: Ap o ersto dives vas o Nashon, – leskro dad hi o Amminadab – dran o kheer Youda. Ap o douyto dives vas o Netanel, – leskro dad hi o Souar – dran o kheer Issakar. Ap o triinto dives vas o Eliab, – leskro dad hi o Helon – dran o kheer Zabulon. Ap o starto dives vas o Elizour, – leskro dad hi o Shedehour – dran o kheer Ruben. Ap o pančto dives vas o Sheloumiel, – leskro dad hi o Sourishadday – dran o kheer Simeon. Ap o shobto dives vas o Elyasaf, – leskro dad hi o Degouel – dran o kheer Gad. Ap o eftato dives vas o Elishama, – leskro dad hi o Ammihoud – dran o kheer Efrayim. Ap o orhtato dives vas o Gamaliel, – leskro dad hi o Pedazur – dran o kheer Manasse. Ap o enyato dives vas o Abidan, – leskro dad hi o Gidoni – dran o kheer Benyamin. Ap o deshto dives vas o Ahiyeser, – leskro dad hi o Ammishadday – dran o kheer Dan. Ap o deesh-te-yekto dives vas o Pagiel, – leskro dad hi o Okran – dran o kheer Asser. Ap o deesh-te-douyto dives vas o Ahira, – leskro dad hi o Enan – dran o kheer Naftali. Hakeno anas o emligo koova: Yek baro roupeno čaro, yek-te-paash kilogramme pharo, yek vavar tikneder roupeno čaro, orhta-sheel (800) gramme pharo. Yek grammi his yaake boud, har yek grammi an o Debleskro kheer his. Hake douy čare his pherdo yarro, kay djet dren hi. Ko rhapen dan le o Debleste, te vell kova leske rhačedo. Koy pashel anas hakeno yek tikno sonakaskro čaro, sheel-te-biish gramme pharo, pherdo soungepaskro koova, hoy o Debleske rhačedo vella; yek terno gouroum, yek morsh bakro, i vavar yek-bersheskro bakro rhačepaske o Debleske; yek morsh bouzni, hoy vell rhačedo, te vell i doosh krik lino. Ninna anas hakeno douy groumya, panč morsh bakre, panč morsh bouzya oun panč yek-bershengre bakre, te rhan le len khetne glan o Debleste.

Bičepangre 7:8

Oun o Devel das o Abrahameste peskro lab, te hi lo leskro Devel oun o Devel lauterenge, kay pal leste venna. Oun yob penas o Abrahameske, te moukell yob pes ap peskro mass te činell. Ninna i tsele morsh čave, kay pal leste venna, hounte van činlo ap pengro mass. Oun o Abraham las i čaves, o Isaak. Oun o Abraham činas les ap o mass, har yob efta divessa phouro his. Oun o Isaak činas o Yakobes, oun o Yakob peskre deesh-te-douy čaven. Kolla hi mare phoure dada, kolendar mer vam.

5. Mose 27:11

Ap kava dives penas o Mose i menshenge, hoy te krenn le. Yob penas:

5. Mose 33:6

Palle penas o Mose pral o kheer Ruben: O Ruben te djivell oun merell gar vin, ninna te hi leskre menshe kanna gar boud.

Josua 13:15

Oun o Mose das i familyen dran o kheer Ruben lengro kotar them.

Josua 15:1

Oun i barra peran o khereske Youda yaake, te lan le ko kotar them, hoy djas bis pash o them Edom, bis an o moulo them Tsin, kote kay o kham pralstounes tardo hi.

Josua 19:1

Oun o douyto kopo van i barra vitsedo, kava kopo peran le ap o kheer Simeon oun leskre familye. Oun lengro kotar them his mashkral dren an o them Youda.

Josua 19:10

Oun i barra van o triinto kopo vitsedo. Oun kava kopo peran le ap o kheer Zabulon oun leskre familye. Oun lengro them djas bis pash o foro Sarid,

Josua 19:17

Oun i barra van o starto kopo vitsedo, oun kava kopo peran le ap o kheer Issakar oun leskre familye.

Čačepangre 5:14

Dran o Efrayim van kolla, kay dran o them Amalek van. Pal lende vas o Benyamin peskre lourdentsa, dran o Makir van i pralstoune, oun dran o Zabulon i bare lourde.

Čačepangre 5:15

Oun i raya dran o Issakar djan khetne i Debora an o kourepen. Yaake har o Issakar kras ninna o Barak oun nashas pal leste i berga tele. An o them Ruben his le beshdo pash o pani oun rakran boud oun rah.

Čačepangre 5:18

Dikenn ap kolende dran o Zabulon oun dran o Naftali: Kolla hi morsha, kay daran gar, te denn le pengro djipen an o merepen, oun djan kek daryah an o kourepen.

Ruth 4:11

Oun i tsele morsha oun phoureder, kay pash o foreskro voudar his, penan: “Mer dikam kova oun djinah, yaake hi kova. O baro Devel krell, te vell koy djouvel, kay an tiro kheer veh, har i Rachel oun har i Lea. Kol douy djouvyendar vas o tselo kheer Israel. Oun tou vess bravelo mank tire menshende Efrat, oun tiro lab vell sharedo an o foro Betlehem!