1. Mose 35:22 - O Debleskro Lab 2024 (Sinte-Manouche)

²² An ko tsiro har o Israel an ko them djivas, djas o Ruben pash o Yakobeskri vavar romyate, i Bilha, oun čivas pes pash late. Oun o Yakob shounas kova. O Yakobes his deesh-te-douy čave.

O Debleskro Drom 2021 (Sinte)

²² An ko tsiro har o Israel an ko them djiwas, djas o Ruben pash o Jakobeskri wawar romjate, i Bilha, un tchiwas pes pash late. Un o Jakob shunas kowa. O Jakobes his deesh-te-dui tchawe.

1. Mose 35:22 ပူးပေါင်းရင်းမြစ်များ

1. Mose 35:18

I Rachel his ap o merepen čiddo. Har yoy meras, das yoy kol čaves ko lab Ben-Oni. Leskro dad das les ko lab Ben-Yamin.

2. Samuel 13:21

O baro ray David shounas kova lauter. O Amnon his leskro phoureder čavo, oun o David kamas les o djiyestar. Doleske das lo les kek phagi, ninna te las lo i bari rholi pral kova, hoy lo kras.

2. Samuel 20:3

Har o baro ray David khere vas an o foro Yerusalem, las yob peskre deesh vavar djouvyen, kay moukas lo koy, te denn le garda ap o kheer, oun anas len an i vavar kheer, hoy pandlo hi. Oun yob dikas, te djal lenge mishto. Dren pash lende djas lo gar. Yaake his yon dren klidedo, bis te yon meran, oun djivan har djouvya, kolengro rom meras.

1. Familjakro liil 5:1

O Ruben his o Yakobeskro phoureder čavo. Doleske his les o čačepen, hoy o phoureder čaveske hi. Kova nashras lo, har sovas lo peskro dadeskri romyah. Oun o Rubeneskro čačepen vas i čavenge leskro phralestar Yosef dino. Ninna te his kova yaake, vas gar činlo an i familyakro liil, te his o Yosef o phoureder.

2. Mose 2:1

Koy his i morsh kol menshendar, kay venna pal o Levi. Kova las peske i romni, kay his ninna i Leviteskre menshendar.

3. Mose 18:8

Tou sovess gar i vavar romyah tiro dadestar, te aness kek ladj ap tiro dadeste.

4. Mose 10:14

Kol menshe dran o kheer Youda his i glanstoune, kay djan vin. Lengro pralstouno his o Nashon, koleskro dad o Amminadab hi. Lentsa djan kol menshe dran o kheer Issakar oun dran o kheer Zabulon. I pralstouno pral o kheer Issakar his o Netanel. Leskro dad hi o Souar. Oun o pralstouno pral o kheer Zabulon his o Eliab. Leskro dad hi o Helon.

4. Mose 13:4

Oun lengre laba hi: Shamoua, koleskro dad o Zakour hi, dran o kheer Ruben.

Bičepangre 7:8

Oun o Devel das o Abrahameste peskro lab, te hi lo leskro Devel oun o Devel lauterenge, kay pal leste venna. Oun yob penas o Abrahameske, te moukell yob pes ap peskro mass te činell. Ninna i tsele morsh čave, kay pal leste venna, hounte van činlo ap pengro mass. Oun o Abraham las i čaves, o Isaak. Oun o Abraham činas les ap o mass, har yob efta divessa phouro his. Oun o Isaak činas o Yakobes, oun o Yakob peskre deesh-te-douy čaven. Kolla hi mare phoure dada, kolendar mer vam.

1. Korintarja 5:1

Me shounom, te hi pash t'mende i morsh, kay peskri dadeskri romyah sovella. Savo čilačo koova shounom me gomme gar pash kolende, kay gar patslo hi.

5. Mose 27:12

Te djan t'mer vergel o panyestar Yordan, hounte djan i menshe dran i khera Simeon, Levi, Youda, Issakar, Yosef oun Benyamin ap i berga Garizim, te shounenn le havi Debleskri barht pral i menshende vin rakedo vell.

5. Mose 27:20

“Praasedo vell kova, hoy i romyah peskro dadestar sovell, oun yaake ladj ap peskro dadeste anell.” Oun i tsele menshe hounte penenn: Amen!

Debleskro tsiro 21:14

Oun koy massouri hi tardo ap deesh-te-douy zorele barra. Ap kolende hi i laba činlo kol deesh-te-douyendar, kay his o terno bakreskre bičepangre.

Čačepangre 5:14

Dran o Efrayim van kolla, kay dran o them Amalek van. Pal lende vas o Benyamin peskre lourdentsa, dran o Makir van i pralstoune, oun dran o Zabulon i bare lourde.

1. Samuel 2:22

Oun o Eli his kanna boud phouro. Oun yob shounas lauter, hoy leskre čave ap i Israelitarya kran, ninna te his le pash kol djouvyende čiddo, kay glan o Debleskro plarhteno kheer pengri boudi kran.