1. Mose 35:18 - O Debleskro Lab 2024 (Sinte-Manouche)

¹⁸ I Rachel his ap o merepen čiddo. Har yoy meras, das yoy kol čaves ko lab Ben-Oni. Leskro dad das les ko lab Ben-Yamin.

O Debleskro Drom 2021 (Sinte)

¹⁸ I Rachel his ap o merepen tchiddo. Har joi meras, das joi kol tchawes ko lab Ben-Oni. Leskro dad das les ko lab Ben-Jamin.

1. Mose 35:18 ပူးပေါင်းရင်းမြစ်များ

1. Mose 30:1

Har i Rachel dikas, kay anas yoy o Yakobeske kek čaven ap i phoub, zilveras yoy ap peskri phenyate, oun penas ap o Yakob: “De man čave! Te deh man kek, merau me.”

1. Mose 35:17

Har lakre douka baro his, penas koy rhačepaskri gadji ap late: “Ma traash! Ninna kova hi i morsh čavo.”

1. Mose 35:19

Oun i Rachel meras oun vas paskedo ap o drom pash o foro Efrata. Kova hi kanna Betlehem.

1. Mose 35:24

I čave, kolen i Rachel ap i phoub anas his o Yosef oun o Benyamin.

1. Mose 42:38

“Na-a”, penas o Yakob. “Miro čavo djal gar t'mentsa! Leskro phraal hi moulo. Oun yob kokres ačas mange leskri datar i Rachel. Me hom i phouro rom. Te taprels les i bibarht ap o drom, meraus i bari doukatar.”

1. Mose 42:4

O Benyamin, o Yosefeskro terneder phraal, djas gar lentsa. O Yakob kamas gar, te djal yob peskre phralentsa. Yob penas: “Te taprell les kek bibarht!”

1. Mose 43:14

Oun o zorelo Devel mou krell, te vell o rom t'menge lačo, yaake kay moukell lo t'maro vavar phrales oun o Benyamines t'mentsa pale te djal. Me krau nay či. Nashrau mire čaven, nashrau len!”

1. Mose 49:27

O Benyamin hi har i divyo djouklo, kay marella. Taysarlakro rhal lo kova, hoy dandras yob an kotya. Oun rati dell yob i vavaren kolestar, hoy pral ačas.

1. Familjakro liil 4:9

Oun o Yabez his an-dikleder har leskre phrala. Har lo boldo vas, das les leskri day ko lab Yabez, oun penas: Me anom les boud doukentsa ap i phoub.

Debleskri gili 16:10

Tou moukeh man gar an o merepen, oun kameh gar, te merell miro mass tele an i phoub.

Debleskri gili 80:17

Dik, har hi lo tele dino oun pre-rhačedo! Činge yaake ap kolende, kay kova kran, te phagenn le khetne.

2. Mose 12:7

Palle lenn le ko rat oun makenn les ap kol kashta, hoy čačes oun serves pash o voudar hi, oun pral o voudar ninna, an ko kheer, kay rhan le o bakro.

Ropaskre gilja 2:12

Ap pengre dayende penenn le ropah: “Man hi bok! Man hi troush!” oun perenn khetne ap i dromma har doukede lourde, oun merenn an i moussya pengre dayendar.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Louka 23:46

Oun o Yezous das bari gole: “Miro dad, an tire vasta čivau me miro djipen!” Oun palle meras lo.

Bičepangre 7:59

Har yon ap leste i barrentsa vitsran, das o Stefano gole: “Ray Yezous, le man pash toute!”