1. Mose 34:13 - O Debleskro Lab 2024 (Sinte-Manouche)

¹³ Koy rakran o Yakobeskre čave rhorhepah kol douy morshentsa, o Sichem oun leskro dadeha Hamor doleske, kay tapras o Sichem lengri phenyat i zoryah an. Oun yon penan:

O Debleskro Drom 2021 (Sinte)

¹³ Koi rakran o Jakobeskre tchawe chochepah kol dui murshentsa, o Sichem un leskro dadeha Hamor doleske, kai tapras o Sichem lengri phenjat i sorjah an. Un jon penan:

1. Mose 34:13 ပူးပေါင်းရင်းမြစ်များ

1. Mose 34:12

Mangenn mandar boud. Me playsrau, hoy mangenn mandar. Denn man koy čat, te romedinerap lat!”

1. Mose 34:14

“Mer krah nay kova gar, te das mari phenyat i romeste, kay gar činlo hi. Kova vals menge i bari ladj.

Hiob 13:4

T'mer čakrenn o čačepen o rhorhepah, han dramangre, kay či-moldo hi, – t'mer halauter.

Hiob 13:7

Kamenn t'mer o Debleske te rhorhell, oun rhorhepen te rakrell, te vell lo an o čačepen?

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Gosewe laba 12:13

O čilačo taprell pes kokres an peskre rhorhene laba. Kolla, kay an o čačepen tardo hi, venn vin dran i bibarht.

Jesaja 59:13

Mer phagam maro baro Debleha, djivam har te prindjrams les gar, oun peram lestar tele. Kram i vavaren tiknes maro rakepah, oun phoukram ap lende. Lam men rhorhepen glan oun rakram rhorhepen.

Micha 7:2

Kek, kay o Debleskro drom djal, hi bouder an kava them. Kek dell mank i menshende, kay an o čačepen tardo hi. Yek rodell, har te marell lo o vavares. Oun hakeno lell o vavares palla, te taprell lo les.

Mateo 28:13

Oun yon penan ap kol lourdende: “Penenn i menshenge: Leskre mala čoran les an i rat, har mer sovam.

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

1. Tessalonikarja 5:15

Ma avenn čilačo ap kolende, kay čilačo ap t'mende van! Moukenn gar tele, te venn lačes ap hakeneste mashkral t'mende, ninna ap i tsele vavar menshende!

Čačepangre 15:3

Kote penas o Simson ap leste: “Kava kopo hom gar me, koles doosh hi, te krau i Filistarenge čilačepen.”