1. Mose 31:50 - O Debleskro Lab 2024 (Sinte-Manouche)

⁵⁰ Te hal tou čilačo ap mire čende oun te leh tou vavar romyen, djiness, o Devel dikell kova, ninna te djinau me kova gar.”

O Debleskro Drom 2021 (Sinte)

⁵⁰ Te hal tu tchilatcho ap mire tchende un te leh tu wawar romjen, djiness, o Dewel dikell kowa, ninna te djinau me kowa gar.”

1. Mose 31:50 ပူးပေါင်းရင်းမြစ်များ

1. Mose 31:51

Oun palle penas o Laban ap o Yakobeste: “Ake! Kal barra, hoy čivom pre, oun ko bar, hoy čival o Debleske pre, hi koy tardo.

Hiob 16:19

Ninna kanna hi yek an o bolepen, kay stell mange pre oun vell ap miri rig. Kova, kay mange mishto rakrell, hi an o pralstunepen.

Jeremia 29:23

Koy phagi vas ap lende doleske, kay kran le i vi-ladjedo koova an Israel, oun lan penge romyen, kay romedino hi, oun penan an miro lab čomone glan-vi, hoy rhorhepen his, hoy me lenge gar an o mouy čivom. Me djinau, hoy le kran, me dikom les, penell o baro Devel.

Jeremia 42:5

Kote penan yon ap o Yeremia: Mer kamah lauter te krell, hoy tiro baro Devel menge dran tiro mouy penell. Yob kokres nay penell, te kram mer kova lauter yaake oder gar. Hoy yob penell pral mende, hi mishto oun čačo.

3. Mose 18:18

Tou less gar i phenyat tiri romyatar, te vell li tiri douyti romni, yaake rah har tiri romni djivell.

Micha 1:2

Shounenn t'mer tsele themma! Denn yak, t'mer ap i tseli phoub! O baro Devel, maro ray an o bolepen, kamell t'mentsa te rakrell pral kova, hoy kran!

Maleachi 2:14

Oun t'mer poučenn: Hoske lell lo či mendar? Djiness! O baro Devel his pashel, har tou romedineral tiri romni har terno hals. Oun tou lal touke i vavar oun rhorhral tiri romyat, ninna te his li koya, kay touha djivas. Oun tou phagal tiro lab, hoy lake dal glan o Debleste.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

1. Tessalonikarja 2:5

T'mer djinenna, mer rakram t'menge gar pal o mouy. Vitar gar penam o Debleskro lab, te las love i menshendar. O Devel djinella, me penau o čačepen.

Čačepangre 11:10

Oun i phoureder dran Gilead penan ap leste: “O baro Devel shounas, hoy mer penam. Mer krah čačepah har tou penal.”

1. Samuel 12:5

Yob penas ap lende: “O baro Devel oun t'maro baro ray, koles yob vi-rodas, kolla douy dikenn oun shounenn kava dives, te hatsan t'mer či an miro vast.” “Ava, yaake hi kova”, penan le.