1. Mose 31:12 - O Debleskro Lab 2024 (Sinte-Manouche)

¹² Koy penas yob: Me dikom halauter, hoy o Laban tout kras. Doleske krom me, kay kol tsele morsh bouzya, kay djan ap i firhende pre, kolen hi kotya vavar ballentsa: lengste oun sane kotya, ninna boud oun tikne kotya, ninna bare kotya.

O Debleskro Drom 2021 (Sinte)

¹² Koi penas job: ‘Me dikom halauter, hoi o Laban tut kras. Doleske krom me, kai kol tsele mursh busja, kai djan ap i viechende pre, kolen hi kotja wawar ballentsa: lengste un sane kotja, ninna bud un tikne kotja, ninna bare kotja.

1. Mose 31:12 ပူးပေါင်းရင်းမြစ်များ

1. Mose 31:10

Har ko tsiro vas, kay van i firhe bipandlo, dikom an i souni i morsh bouzya, kay djan ap i firhende. Len his kotya vavar ballentsa har ko vavar bal. Kol kotya his lengsto oun sano, ninna boud oun tikne, ninna bare kotya.

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Debleskri gili 139:3

Te djau vin, oun te hom čiddo, tou hal pash mande. Mire tsele dromma, tou prindjreh len.

2. Mose 3:7

Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

2. Mose 3:9

Me shounom i Israelengri gole oun dikom, hoy i Egiptarya ap lende krenna. Yon phagenn len, fothe denn le len dava.

Sikepaskro 5:8

Hi feteder o themeske, te hi les i baro ray, kay dikell koy pre, te vell ap o harhetikro them boudedo, te vell i menshen doha djipaske.

3. Mose 19:13

Tou rikress gar o vavares tele oun randess les gar vin. Tou dess i boudepaskres, kay boudrell touke yek dives peskre love ap i rat, oun rikress kol love gar pral i rat pash toute.

Bičepangre 7:34

Me dikom, har mire menshe rhan dava an o them Egiptia. Oun me shounom lengri gole oun lengro ropen, oun vom dran o bolepen tele, te lap len dran kava them vin. Oun me kamau, te djas tou an o them Egiptia.

Efesarja 6:9

T'mer, kay han raya, ap t'mende penau: Avenn lačes ap kolende, kay t'menge boudrenna! Ma denn len trad! T'mer djinenna: Len hi i ray an o bolepen. Kova hi ninna t'maro ray. Glan leskre yaka hi yek mensho har o vavar.

5. Mose 24:15

Ap ko emligo dives dess tou les peskre love i boudjake, hoy lo touke boudras, glan te djas o kham tele. Yob hi čorvelo, oun les hounte vell kol love djipaske. De len leste, te dell lo gar gole ap o baro Debleste pral toute, oun yaake doosh ap toute vell.