1. Mose 28:14 - O Debleskro Lab 2024 (Sinte-Manouche)

¹⁴ Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

O Debleskro Drom 2021 (Sinte)

¹⁴ Jon wenna jaake bud har i tchik, hoi ap i phub hi. Un krau lengro them baro un buchlo ap hake rigja. Un koi bacht, hoi dau tute un tire tchawende, djal dureder ap i tsele menshende, kai ap i phub hi.

1. Mose 28:14 ပူးပေါင်းရင်းမြစ်များ

1. Mose 12:3

Kolla kay penenna, te vell tout boud barht, ap kolende čivau miri barht. Oun kolla, kay penenna, te vell tout bibarht, ap kolende anau ninna bibarht. Koy barht, hoy me tout dau, djal doureder ap i tsele menshende, kay ap i phoub hi.”

1. Mose 13:14

Har o Lot peske djas, penas o baro Devel ap o Abrameste: “Dik tout trouyel oun dik kote, kay tardo hal, ap haki rig: serves, čačes, glan toute oun pal toute!

1. Mose 13:15

Ko tselo them, hoy dikeh, kova dau tout oun tire čaven, kay pal toute venna. Ko them hi t'maro hako tsiro.

1. Mose 13:16

Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

1. Mose 18:18

Me dom les miro lab: Yob vell o dad yaake boud menshendar, te vell lendar i bari oun zoreli natsyona. Oun koy barht, hoy dau leste, djal doureder ap i tsele natsyone, kay ap i phoub hi.

1. Mose 22:18

Tou kral, hoy me touke penom. Doleske djal koy barht, hoy dau tire menshende, doureder ap i tsele natsyone, kay ap i phoub hi.”

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

1. Mose 32:12

De yak ap mande, te krell miro phraal o Esau mange či! Man hi daar lestar, te vell lo oun marell man, ninna i daya pengre čaventsa.

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

1. Mose 48:19

Leskro dad kamas gar oun penas: “Me djinau, čava, me djinau. Ninna kolestar venna yaake boud menshe, te vell lendar yek natsyona. Leskro terneder phraal vell bareder har yob. Lestar venna yaake boud menshe, te venn lendar boud natsyone.”

2. Familjakro liil 1:9

Baro Devel, miro ray, mouk tiro lab čačes te vell, hoy tou penal miro dadeske, o Davideske; tou čival man dren, te vom ray pral kal menshende, kay yaake boud hi, har i stauba ap kay phoub hi.

Debleskri gili 72:17

Leskro lab mou ačell hako tsireske. Yaake rah har o kham ap o bolepen hi, mou vell leskro lab sharedo! Lestar mou vell lačepen ap i menshende an i tsele themma. Oun yon te rakrenn i barht pral leste vin.

2. Mose 32:13

Ma biste tire boudepangren, o Abraham, o Isaak oun o Yakob! Kolenge dal tout sovel oun penal: Me moukau t'mare čaven boudeder te vell har i momlia an o bolepen. Kava tselo them, kay me penom, te vell lo t'maro, dau t'mare čavende, te djivenn le kote hako tsireske.”

Jesaja 54:3

Tiri familya vell bareder oun bareder oun len hounte vell boudeder platsa ap i čači rig oun ap i servi rig. Oun tire čave tradenn vavar menshen vin, oun djivenn pale an kol forya, hoy paash dino van.

4. Mose 23:10

Kek djinell, har boud menshe o Yakobeskre menshe hi. Ava, kek nay hatsell vin, har boud zerya i Israelitarya hi? Me kamau, te merap yaake har yek lendar, kol čače menshendar. Miro merepen mou vell har lengro merepen!

Mateo 8:11

Boud menshe venna dran boud vavar themma pash o Debleste an o bolepen, oun beshenn pen tele, te rhan le o Abrahameha oun o Isaakeha, oun o Yakobeha khetne.

Bičepangre 3:25

Kova, hoy kol Debleskre rakepangre i menshenge penan, hi t'menge. T'mer han i čave kolendar. Oun ko lab, hoy o Devel t'mare phourenge penas, oun peskro vast pre das, hi ninna t'menge. Yob penas ap o Abrahameste: Koy barht, hoy dau tire menshende, djal doureder ap i tsele menshende, kay ap i phoub hi.

Galatarja 3:16

Yaake hi kova o labeha, hoy o Devel o Abrahameste das. O Devel penas ap o Abrahameste, te dell lo peskri barht oun zoor ap leste oun ap leskro čaveste, kay vella pal leste. Kate rakrell o Devel yek čavestar. Yob rakrell gar kol boud čavendar, kay venna pal o Abraham. Ko yek čavo hi o Yezous Kristo.

Galatarja 3:8

O Debleskro lab penas glan i rah tsiro, kay o Devel ninna kolen čačo krella, kay kek bibolde hi, te patsenn le ap leste. Doleske penas lo ap o Abrahameste: Kay barht, hoy me dau tout, djal doureder ap i tsele menshende ap i phoub.

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

5. Mose 12:20

Te dell t'maro baro Devel – yaake har lo rakras – t'mende boudeder them, oun t'men hi bok ap mass, palle rhan mass an t'mare gaba oun forya, yaake boud har kamenn!

5. Mose 13:17

Oun lengro tselo bravlepen anenn khetne mashkral ap o foreskri platsa! Oun rhačrenn ko tselo foro pre oun lauter, hoy an leste hi, t'maro baro Debleske! Či har barra hounte ačell pral ko forestar hako tsireske. Oun an kek tsiro vell lo bouder neves kerdo.

Debleskro tsiro 7:4

Oun me shounom kitse menshe ko sikepen lan. Kolla his 144.000 (yek-sheel-te-star-deesh-te-star zerya) menshe, kay van dran i tsele menshende, kay venna pal o Israeleskre deesh-te-douy čavende.

Debleskro tsiro 7:9

Pal kova dikom me boud menshen, yaake boud, te nay penell kek, kitse yon hi. Kolla venna dran hako them, haki natsyona, haki harmenatsyona oun hako rakepen. Oun yon his khetne tardo glan o rayeskro beshepaskro oun glan ko terno bakro. Len his parne ripya ap lende oun bare patria an lengre vasta.