1. Mose 25:30 - O Debleskro Lab 2024 (Sinte-Manouche)

³⁰ Koy penas o Esau ap o Yakobeste: “Mouk man sik te rhal ko lolo rhapastar. Hom khino oun man hi bari bok.” Doleske dan le les ko lab Edom.

O Debleskro Drom 2021 (Sinte)

³⁰ Koi penas o Esau ap o Jakobeste: “Muk man sik te chal ko lolo chapastar. Hom khino un man hi bari bok.” Doleske dan le les ko lab Edom.

1. Mose 25:30 ပူးပေါင်းရင်းမြစ်များ

1. Mose 25:29

His i dives, kay keras o Yakob i rhapen. Har o Esau dran o veesh khere vas, his yob khino oun les his i bari bok.

1. Mose 25:31

Penas o Yakob ap leste: “Tou hal o phoureder čavo oun leh halauter, hoy o phoureder čavo lella. Kanna de tiro vast pre, kay me hom har o phoureder, oun kova lauter lella, hoy o phoureder čavo lella.”

1. Mose 32:3

Har o Yakob len dikas, penas lo: “Kate hi o Debleskri platsa.” Oun das koy platsa ko lab: Mahanayim.

1. Mose 32:4

Oun o Yakob bičras morshen glan peste pash peskro phraleste Esau an o them Seir an o them Edom.

1. Mose 36:1

Kova hi ko liil, kay činlo hi pral o Esau peskre čaventsa. Yob kharell ninna Edom.

1. Mose 36:19

Kol tsele menshe oun lengre raya venna pal o Esau. Yon khetne hi i Edomarya.

1. Mose 36:8

Oun o Esau, djivas ap o pralstouno them, hoy kharella Seir. O Esau hi o Edom.

1. Mose 36:9

Kolla hi i laba kol menshendar, kay venna pal o Esau. Yon hi i Edomarya, kay djivan ap o pralstouno them Seir:

2. Rajengro liil 8:20

An ko tsiro, kay o Yoram baro ray his, phagan i menshe dran Edom o baro rayeha an Youda oun čivan i vavar baro rayes pral pende dren.

2. Mose 15:15

I bare raya an o them Edom trashan, oun kol zorele raya an o them Moab trissan. I tsele menshe an o them Kanaan daran, ava, lauteren tapras i daar.

Jeremia 49:7

Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?

Obadja 1:1

Kova hi, hoy o Obadya dikas. Kava penell o baro Devel, maro ray, pral o them Edom: O baro Devel bičras peskro bičepaskres pash i menshende an vavar themma. Oun mer shounam, har yob penas: Stenn pre! Mer djas an o kourepen oun kouras men i menshentsa an o them Edom!

5. Mose 23:7

Ma rodenn koy pal, te djal kol menshenge mishto an i themma Moab oun Ammon, oun te venn le bravelo.