1. Mose 25:3 - O Debleskro Lab 2024 (Sinte-Manouche)

³ O Yokshan vas o dad douy čavendar: o Saba oun o Dedan. O Dedan vas o dad kol menshendar, kay kharenna Ashourarya, Letusharya oun Leummarya.

O Debleskro Drom 2021 (Sinte)

³ O Jokshan was o dad dui tchawendar: o Saba un o Dedan. O Dedan was o dad kol menshendar, kai kharenna Ashurarja, Letusharja un Leummarja.

1. Mose 25:3 ပူးပေါင်းရင်းမြစ်များ

1. Mose 25:2

Oun yoy anas leske čaven ap i phoub. Kolengre laba hi: Simran, Yokshan, Medan oun Midian, Yishbak oun Shoua.

1. Mose 25:4

O Midianeskre čave his: o Efa, o Efer, o Henok, o Abida oun o Eldaa. Kolla lauter hi i čave oun čavengre čave o Abrahameskri romyatar Ketura.

2. Samuel 2:9

oun kras, te vell yob baro ray pral i themma Gilead, Asser, Yesreel, Efrayim, Benyamin oun pral o tselo Israel.

1. Rajengro liil 10:1

Oun koy rayetsa pral o them Saba shounas, har an-diklo o Salomo vas, oun havo kheer yob o baro Debleske kras. Kote vas li pash leste, te poučell li lestar savo koova, hoy kek vavar djinell.

Hiob 6:19

Morsha pengre khamelentsa venn dran Tema oun Saba oun rodenn kal panya.

Debleskri gili 72:10

I bare raya, kay djivenn an o foro Tarsis oun an i panyeskre themma, kolla anenn leske kouč koova. Ninna i bare raya pral i forya Saba oun Seba bičrenn leske shoukar koova.

Jesaja 21:13

Kate sikrell o Devel, hoy pral o them Arabia vella. T'mer morsha dran o foro Dedan, ačenn t'mare khamelentsa vin an o divyo them! Ačenn pral i rati mank i bourra!

Jesaja 60:6

Boud khamele čakrenn tiro them, terne khamele dran Midian oun Efa. Kolla anenna sonakay oun soungepaskro koova dran Saba. Oun i menshe sharenn o baro Debles.

Jeremia 25:23

i menshe an i forya Dedan, Tema, oun Bouz; i menshe, kay činenn pengro bal tiknes;

Jeremia 49:8

T'mer menshe an o foro Dedan! Nashenn t'menge sik, khatrenn t'men tele an i phoub! Me anau i bibarht pral kolende, kay venn pal o Esau, Kanna dau len pengri phagi.

Ezekiel 25:13

Doleske penau me, o baro Devel, t'maro ray: Me hadau miro vast, te dap o them Edom peskri phagi. Menshe oun firhe venn moulo dino. Kek ačell djido an o tselo them mank kol forya Teman oun Dedan. I tsele menshe merenn an o kourepen.

Ezekiel 27:15

I parepangre dran Rodos van pash toute. Oun boud menshe, kay djivan ap panyeskre themma paran touha, oun anan elefantikro dand oun kouč kalo kasht, koleha playsran le.

Ezekiel 27:20

I menshe dran Dedan paran ninna touha, oun dan touke plarhte, kay i klissepangre pre beshenn.

Ezekiel 27:6

Tire lengste činle kashta his dran cipresstikro kasht, hoy dran o them Kittim lino vas. Dren čiddo an kol kashta his elefantikro dand. Dran o them Bashan vas aichtikro kasht. Kolestar činan le kol kashta, kolentsa o shiffo tserdedo vell.