1. Mose 24:35 - O Debleskro Lab 2024 (Sinte-Manouche)

³⁵ O baro Devel čivas bari zoor oun boud barht ap miro ray. Yaake vas yob bravelo. O Devel das les bakre oun groumya, roup oun sonakay, boudepangre: morsha oun djouvya, ninna khamele oun bourike.

O Debleskro Drom 2021 (Sinte)

³⁵ O baro Dewel tchiwas bari soor un bud bacht ap miro rai. Jaake was job brawelo. O Dewel das les bakre un grumja, rup un sonakai, budepangre: mursha un djuwja, ninna khamele un burike.

1. Mose 24:35 ပူးပေါင်းရင်းမြစ်များ

1. Mose 12:16

Oun doleske kras o baro ray o Abrameske lačepen. Oun o Abram las bakre, groumya, bourike, khamele oun boudepangre: morsha oun djouvya.

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 12:3

Kolla kay penenna, te vell tout boud barht, ap kolende čivau miri barht. Oun kolla, kay penenna, te vell tout bibarht, ap kolende anau ninna bibarht. Koy barht, hoy me tout dau, djal doureder ap i tsele menshende, kay ap i phoub hi.”

1. Mose 13:2

O Abram his bravelo: Les his boud firhe, roup oun sonakay.

1. Mose 24:1

O Abraham his phouro. Oun o baro Debleskri zoor oun barht his čiddo ap halauter, hoy les his.

1. Mose 25:11

Pal o Abrahameskro merepen čivas o Devel peskri zoor oun peskri barht ap leskro čaveste Isaak. An ko tsiro djivas o Isaak pash ko pani, hoy kharella Lahay-Roy.

1. Mose 25:5

Oun o Abraham das halauter, hoy leskro hi, o Isaakeste.

1. Mose 30:43

Yaake vas o Yakob hako dives bravleder. Oun les his boud firhe oun boudepangre: djouvya oun morsha. Ninna boud khamele oun bourike his les.

1. Mose 49:25

Tiro dadeskro Devel vell ap tiri rig. Yob hi o zorelo Devel. Yob dell tout brishin dran o bolepen oun pani dran i phoub, ninna boud čave oun firhe.

Hiob 1:3

Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Debleskri gili 107:38

Oun yob das len barht, oun yon van boud oun boudeder. Oun yob das len ninna boud firhen.

Debleskri gili 112:3

Lengre familye venn bravelo. Len hi lauter, hoy len hounte vell djipaske. Oun lengro čačepen ačell hako tsireske.

Debleskri gili 18:35

Yob sikrell man, har mire vasta hounte kourenn pen, oun har miri moussi rikrell o sasterno bogo.

Gosewe laba 10:22

Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Gosewe laba 22:4

Kova, kay krell pes gar bares oun djivell o baro Debleha, lell bravlepen oun sharepen oun o čačo djipen.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Louka 12:45

“Ko boudepaskro, te penell lo ap peste: Miro ray vell gar yaake sik pale, oun yob dell kol vavar boudepangren dava, oun rhal oun piyell pes mato,

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.