1. Mose 15:5 - O Debleskro Lab 2024 (Sinte-Manouche)

⁵ Oun o Devel anas les vin oun penas: “Dik an o bolepen! Oun dik i bolepangre momlia! Nay peneh tou, har boud kolla hi? Yaake boud menshe venna toutar.”

O Debleskro Drom 2021 (Sinte)

⁵ Un o Dewel anas les win un penas: “Dik an o bolepen! Un dik i bolepangre momlia! Nai peneh tu, har bud kolla hi? Jaake bud menshe wenna tutar.”

1. Mose 15:5 ပူးပေါင်းရင်းမြစ်များ

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 13:16

Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

1. Mose 16:10

Palle penas o baro Debleskro bolepaskro ap late: “Me kamau tire čaven, kay pal toute venna, yaake boud te krell, kay nay djinell kek mensho, har boud yon hi.

1. Mose 17:2

Me kamau touha vin te krell, te vap tiro Devel, oun tou oun tire menshe venn mire menshe. Oun me dau tout boud boud čave, kay pal toute venna.”

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 32:13

Tou penal: Čačepah, kamau te vap touke lačo. Kamau te krap tire čaven, kay pal toute venna, yaake boud har i tikne barra pash o baro pani, kolendar kek djinell kitse yon hi.”

1. Rajengro liil 3:8

Oun mange dal tou kol tsele menshen an o vast, kol menshen, kay tou touke vin rodal. Yon hi yaake boud te nay djinell kek, kitse yon hi.

1. Familjakro liil 27:23

O David moukas gar i laba kolendar pre te činell, kay his terneder har biish bersha. O baro Devel penas boud bersha glan kova, te krell lo i Israelitaryen yaake boud har i momlia an o bolepen.

Nehemia 9:23

Oun lengre čaven moukal tou boudeder te vell har i momlia an o bolepen, oun anal len an ko them, kolestar tou ap lengre phourende penal, te djan le koy oun lenn ko them dren.

Hiob 35:5

Dik pre, dik an o bolepen pre! Dik ap i volke dour pral toute!

Debleskri gili 147:4

Yob ginell i bolepangre momlia tele oun kharell lengre laba.

2. Mose 32:13

Ma biste tire boudepangren, o Abraham, o Isaak oun o Yakob! Kolenge dal tout sovel oun penal: Me moukau t'mare čaven boudeder te vell har i momlia an o bolepen. Kava tselo them, kay me penom, te vell lo t'maro, dau t'mare čavende, te djivenn le kote hako tsireske.”

Jesaja 51:2

ap o Abraham, t'maro phouro dad oun ap i Sara, t'mari phouri day! Len his kek čave, har dom o Abrahames gole. Oun me čivom miri barht oun zoor ap lende oun dom len boud čaven.

Jeremia 33:22

Kek nay penell, kitse bolepangre momlia an o bolepen hi. Oun kek nay penell har boud santa pash o baro pani hi. Yaake dau miro boudepaskro o Davideste yaake boud čave, kay pal leste venna, te djinell kek, har boud yon hi. Oun ninna krau, te venn i Levitarya boud boud, kay mire rashaya hi.

Remarja 4:18

O Devel penas o Abrahameske: Tou leh i čaves. Kolestar venna boud boud menshe, yaake boud, te djivenn le an boud themma. Ninna te dikas o Abraham či kolestar, hoy o Devel leske penas, patsas lo o Debles.

5. Mose 1:10

T'maro baro Devel kras t'men yaake boud. T'mer han kava dives yaake boud har kol momlia an o bolepen hi.

5. Mose 10:22

70 (efta-deesh) menshe his t'mare phoure, har le an o them Egiptia tele djan. Oun kanna kras t'maro baro Devel t'mendar yaake boud har i bolepangre momlia.

Hebrearja 11:12

Har o čavo boldo vas, his o Abraham ninna yaake phouro, te nay vals lo bouder gar o dad i čavestar. Oun yob vas o dad boud boud menshendar. Leskre čave, čavengre čave oun lauter, kay pal leste van, van yaake boud har i bolepangre momlia, oun har i tikne barra pash o baro pani, kay kek djinell, har boud kolla hi.

Josua 24:3

Oun me lom t'maro dades Abraham dran ko them ap i vavar rig o panyestar Eufrat, oun anom les an o them Kanaan, oun moukom les kote trouyel te djal, oun moukom leskri familya bares te vell. Oun dom les o Isaak.