1. Mose 15:16 - O Debleskro Lab 2024 (Sinte-Manouche)

¹⁶ Oun pal star menshengro phourepen venna tire menshe kate pale. Koy doosh kolendar, kay kanna kate djivenn – kolla hi i Amorarya – hi kanna gar bares doha, te tradap len vin.”

O Debleskro Drom 2021 (Sinte)

¹⁶ Un pal star menshengro phurepen wenna tire menshe kate pale. Koi doosh kolendar, kai kanna kate djiwenn – kolla hi i Amorarja – hi kanna gar bares doha, te tradap len win.”

1. Mose 15:16 ပူးပေါင်းရင်းမြစ်များ

1. Mose 10:16

O Kanaan vas ninna o dad kol menshendar Yebous, Amor, Girgash,

1. Mose 15:13

Oun o Devel penas ap o Abrameste: “Čačepah, tou djiness: Tire menshe, kay toutar venna, venn vi-themarya an i them, kay gar lengro hi. Oun i menshe an ko them djan zoreles ap lende oun krenn boudepangre lendar. Oun yon hounte boudrenn lenge 400 (star-sheel) bersha.

1. Mose 48:21

Oun o Israel penas ap o Yosefeste: “Me merau. O Devel hi pash t'mende oun anell t'men pale an t'maro dadengro them.

1. Mose 50:24

Oun o Yosef penas ap peskre phralende: “Me merau kanna. O Devel dikella lačes ap t'mende, oun anell t'men dran kava them vin, an ko them, kay yob peskro vast pre das, te dell lo les o Abrahameste, o Isaakeste oun o Yakobeste.”

1. Rajengro liil 21:26

Leskro djoungleder koova his, te nashas lo i moule deblenge palla, yaake har kran kova i Amorarya, kolen tradas o baro Devel glan i Israelitaryen krik.

2. Rajengro liil 21:11

O Manasse, ko baro ray pral o them Youda, kras baro čilačepen, hoy djoungleder hi har lauter, hoy i Amorarya kran, kay glan leste djivan. Oun yob anas ninna i menshen dran o them Youda ap i čilačo drom peskre tsele moule deblentsa.

Debleskri gili 105:43

Har anas lo peskre vi-rodede menshen vin, sanas lengro dji. Oun yon givan i barhtyatar.

2. Mose 12:40

Ko tsiro, kay i Israelitarya an o them Egiptia djivan, his 430 (star-sheel-te-triyanda) bersha.

2. Mose 13:3

Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

Daniel 8:23

Ap ko tsiro, kay lengro rayengro tsiro tele naashedo hi, hadenn pen boud menshe pral o Debleste oun krenn baro čilačo koova. Palle stell i baro ray pre, koles hi i čilačo mouy, oun hi i baro rhorheno.

3. Mose 18:24

Ma krenn t'men sau koveha pale-čiddo! Kova lauter kras kol vavar menshe pale-čiddo, kolen me glan t'mende dran o them vin tradau.

5. Mose 9:4

Pal kova, kay tradas len t'maro baro Devel glan t'mende vin, ma penenn: Dran maro čačo djipen anas men o baro Devel an kava them, te las le menge dren. Na-a, dran o čilačo djipen kol menshendar tradas len o baro Devel vin glan t'mende.

5. Mose 9:5

Hi gar doleske, te vans lače menshe oun t'men vals i djoudjo dji, te venn t'mer an ko them, te lenn les t'menge dren. Na-a, t'maro baro Devel tradell kol menshen vin ko čilačepaske, hoy le kran, te rikrell yob koy sovel dren, hoy lo t'mare phourende, o Abrahames oun o Isaakes oun o Yakobes, das.

1. Tessalonikarja 2:16

Yon moukenn men gar, te penas mer o lačo lab i vavarenge, kay kek bibolde hi, te nay venn kolla ninna ap o Debleskro drom. Yaake vas i biboldengri doosh yaake baro, bareder djal gar. Oun o Debleskri rholi vas zoreles pral lende.