1. Mose 14:20 - O Debleskro Lab 2024 (Sinte-Manouche)

²⁰ Oun sharedo vell o Devel pral halauter, kay das kolen an tire vasta, kay touha kouran pen.” Oun o Abram das les o deshto kotar halauterestar, hoy yob pale anas.

O Debleskro Drom 2021 (Sinte)

²⁰ Un sharedo well o Dewel pral halauter, kai das kolen an tire wasta, kai tuha kuran pen.” Un o Abram das les o deshto kotar halauterestar, hoi job pale anas.

1. Mose 14:20 ပူးပေါင်းရင်းမြစ်များ

1. Mose 14:21

Oun o ray pral Sodom penas ap o Abram: “De man mire menshen pale! Ko vavar, hoy hatsal, rikreh nashte.”

1. Mose 24:27

oun penas: “Sharedo vell o baro Devel, o Devel miro rayestar Abraham. Yob rikras peskro lačepen oun čačepen gar pale miro rayestar. O baro Devel anas man ap o drom pash o kheer miro rayeskre menshendar.”

1. Mose 28:22

Oun kava bar, hoy čivom pre, kova mou vell i Debleskro kheer. Oun halauterestar, hoy tou man deh, dau me tout o deshto kotar pale.”

1. Mose 47:24

Oun te hi t'men nevo djob, denn o pančto kotar o baro rayeste! Kol vavar star kotya mou ačenn t'menge, yaake te hi t'men doha, kay nay vitsrenn an i phoub. Ninna hi t'men rhapaske t'menge oun t'mare čavenge, oun kolenge, kay djivenn an t'mare khera.”

1. Mose 47:26

Yaake rakras o Yosef i lab, hoy hounte rikrenn le: I tsele menshen an o them Egiptia hounte denn o pančto kotar o baro rayeste. O rashayengro them las o baro ray gar. Yaake hi kova gomme kava dives.

1. Mose 9:26

Palle penas yob: “Me sharau o baro Debles, ko Debles kones o Sem an-mangella. Oun o Kanaan vell peskro phraleskro boudepaskro!

2. Samuel 18:28

O Ahimaaz das gole: “Lauter hi mishto!” Oun yob vitsras pes glan o baro rayeste tele ap i phoub ap peskro mouy, oun penas: “Sharedo vell o baro Devel, kay tiro Devel hi, oun das kolen an tiro vast, kay hadan pengro vast ap toute, miro baro rayeste.”

2. Familjakro liil 31:12

Kote čivan le kova lauter kotar fer kotar dren: o rhapen, hoy dan le har glan-činlo hi, oun kova, hoy o deshto kotar kolestar hi, hoy yon dren anan, oun kova hoy dan le pendar o baro Debleske. Oun o pralstouno koy pral his ko Levitari, o Konanya. Oun o douyto his leskro phraal o Shimi.

Nehemia 10:37

Mer anah hako phoureder morsh čaves oun hako firhes, hoy o phoureder peskri datar hi, an maro Debleskro kheer. Ninna i groumyendar oun i bakrendar anah ko phoureder pash kol rashayende, kay boudrenn an maro Debleskro kheer.

Nehemia 13:12

Oun i tsele menshe dran Youda anan pale o deshto kotar pengro djobestar oun djetestar oun pengri molyatar an kol rhapangre khera.

Debleskri gili 144:1

I gili o Davidestar. Sharedo vell o baro Devel, kay rikrell peskre vasta pral mande. Yob sikrell mange, har te kourap man. Mire vastenge sikrell lo har te dap i rhareha.

Debleskri gili 44:3

Tou tradal tiro vasteha i vavar menshen vin dran lengro them, oun dal ko them mare phourende. Kol vavar menshen dal tou paash, te nay djivan mare phoure an ko them.

Debleskri gili 68:19

Tou, Devel, djal pre an o pralstunepen oun lal stilde touha. Tou lal kouč koova kol menshendar, kay kaman či toutar te djinell. Tou, baro Devel, djiveh kote.

2. Mose 18:10

Oun o Yetro penas: “Me sharau o baro Debles, kay las t'men vin dran o vast i Egiptarendar oun dran o vast o Faraestar.

Amos 4:4

T'mer djan pash o Debleskro kheer an o foro Betel, oun hadenn t'men pral o Debleste! T'mer djan an o Debleskro kheer an o foro Gilgal, oun hadenn t'men ninna boudeder pral o Debleste! Krenn doureder yaake: Taysarla marenn firhen o Debleske, oun o vavar dives anenn leske o deshto kotar kolestar, hoy dren anan!

Maleachi 3:10

Anenn o deshto kotar halauterestar, hoy dren lan, an miro kheer, te vell doha rhapen an miro kheer. Oun dikenn, hoy me palle t'menge krau: Me krau miri vorhni an o bolepen pre, oun dau t'men boud lačo koova, boudeder har t'men hounte vell. Ko penell o baro Devel, ko ray pral o bolepen oun i phoub.

Maleachi 3:8

Me poučau t'mendar: Hi mishto i menshestar, te čorell lo o Deblestar har t'mer mandar čorenna? Koy pre penenn t'mer: Hoy kram, har čoram toutar? T'mer denn man gar o deshto halauterestar, hoy dren lan, vitar gar kova, hoy hounte dans i rashayende.

4. Mose 28:26

Oun ko dives, kay anenn t'mer o baro Debleske ko nevo djobestar, hoy dren anlo vas, ko dives vell t'menge i baro dives, kay venn khetne glan o baro Debleste. Kek boudi hounte krenn t'mer ap ko dives.

Louka 18:12

Douy divessa an o kourko rhau me či, te mangap tout an. Oun me dau tout o deshto kotar halauterestar, hoy dren lau.

Remarja 15:16

Yob bičras man, te boudrap o Yezous Kristeske oun te djap pash kolende, kay kek bibolde hi, te sikrap len o Debleskro drom. Yaake hom har i rashay, kay anell kol menshen, kay kek bibolde hi, pash o Debleste. Oun o Devel dell len peskro Dourho, te venn le leskro. Oun yob dikell lačes ap lende.

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

5. Mose 12:17

Kolestar, hoy o baro Debleske hi, ma rhan: ko deshto t'maro djobestar, molyatar oun djetestar, vitar gar kol groumya oun bakre, hoy i phoureder lengre dayendar hi, vitar gar kova koleske t'men sovel dan, oun kova hoy kamenn t'mendar kokres te dell, oun ko vavar koova, hoy glan činlo hi.

5. Mose 14:23

An ko deshto kotar tiro djobestar, tiri molyatar oun tiro djetestar glan tiro baro Debleste ap koy platsa, hoy yob peske vin rodella, te vell lo kote an-mangedo. An leske ninna kol groumya, bakre oun bouzya, kay hi o phoureder lengre dayendar. Rha kote ko rhapen oun ko mass kal firhendar. Yaake bistreh gar, te djivess tiro baro Debleha tiro tselo djipen.

5. Mose 14:28

Hako triinto bersh less o tselo deshto kotar halauterestar, hoy tou dren anal an ko bersh, oun čivess les an tiro foro.

Josua 10:42

Oun o Israeleskro baro Devel his ap lengre rig. Yaake las o Yosua kol tsele bare rayen oun lengre themma ap yek kopo dren.