1. Mose 14:10 - O Debleskro Lab 2024 (Sinte-Manouche)

¹⁰ An i tala Siddim his boud rhebya an i phoub, kay pherdo teera his. I raya pral i forya Sodom oun Gomorra pengre lourdentsa hounte nashan penge. Oun boud peran an kol rhebya. Oun kol vavar, kay pral ačan, nashan an i berge.

O Debleskro Drom 2021 (Sinte)

¹⁰ An i tala Siddim his bud chebja an i phub, kai pherdo teera his. I raja pral i forja Sodom un Gomorra pengre lurdentsa hunte nashan penge. Un bud peran an kol chebja. Un kol wawar, kai pral atchan, nashan an i berge.

1. Mose 14:10 ပူးပေါင်းရင်းမြစ်များ

1. Mose 11:3

Oun yon penan yek ap o vavareste: “Avenn, las čik, te kras barra dran lende, oun rhačras len, te venn le zoreles.” Oun yon lan čik oun kran barra dran. Oun lan teera te čivenn le lat mank i barra, te ačenn kol barra khetne.

1. Mose 14:11

Oun kol star bare raya lan lauter peha, hoy yon an i forya Sodom oun Gomorra hatsan. Yon lan ninna o tselo rhapen dran kol forya oun djan penge.

1. Mose 14:17

Yaake das o Abram o baro rayes Kedor-Laomer oun kol bare rayen, kay pash leste his. Koy pal djas o Abram khere. Ap o drom khere an i tala Shave vas o ray pral o foro Sodom pash leste. Koy tala kharella ninna Rayeskri tala.

1. Mose 14:21

Oun o ray pral Sodom penas ap o Abram: “De man mire menshen pale! Ko vavar, hoy hatsal, rikreh nashte.”

1. Mose 14:3

Kol panč raya kran vin, te rikrenn yon khetne oun van an i tala Siddim. Kova hi kanna o Londo Baro Pani.

1. Mose 14:9

Kote kouran pen le kol star bare rayentsa. Kolla his: o baro ray Kedor-Laomer pral o them Elam, o baro ray Tidal pral o them Goyim, o baro ray Amrafel pral o them Shinar, o baro ray Aryok pral o them Ellasar.

1. Mose 19:17

Har yon glan o foro his, penas ko yek bolepaskro ap o Lot: “Naash, te ačess tou djido! Ma dik pal toute! Ma ač tardo kate an kava them pash o pani Yordan! Naash ap kol berge, te vess tou gar maredo!”

1. Mose 19:30

O Lot trashas, te ačell lo an o foro Soar. Doleske djas yob peskre douy čentsa dran ko foro an i berge. Oun yob djivas peskre douy čentsa an i grotta.

Debleskri gili 83:10

Miro Devel, kre lenge, har kral ap i Midianarya, ap o Sisera, oun ap o Yabin pash ko tikno pani Kishon.

Jesaja 24:18

Kova, kay nashell nay peske glan i trashakri gole, perell an i grouba. Oun kova, kay tserdell pes pral dran i grouba, vell an i netsa tapedo. O bolepen krell pes pre oun dell baro brishin oun o telstunepen, hoy i phoub hidjrell, trissella.

Jeremia 48:44

Kova kay nashell peske glan koy bari traash, kova perell an i rheb dren, oun kova kay nay stakrell dran i rheb vin, kova vell i doryentsa pandlo. Ava, ko bersh vella, kay dau i menshenge an o them Moab pengri phagi. Kova penell o baro Devel.

Josua 8:24

Oun har i Israelitarya i tsele morshen o rhareha maran, kay lenge dran o foro Ai palla nashan an o divyo them, koy rissran i Israelitarya trouyel oun djan an o foro Ai oun dan kote hakenes moulo o rhareha.