1. Mose 10:10 - O Debleskro Lab 2024 (Sinte-Manouche)

¹⁰ An ko ersto tsiro vas yob o ray pral i forya Babel, Erek, Akkad oun Kalne an o them Shinar.

O Debleskro Drom 2021 (Sinte)

¹⁰ An ko ersto tsiro was job o rai pral i forja Babel, Erek, Akkad un Kalne an o them Shinar.

1. Mose 10:10 ပူးပေါင်းရင်းမြစ်များ

1. Mose 10:9

Oun yob his i baro yegari glan o baro Debleste. Doleske vell penlo: Kova hi i baro yegari glan o baro Debleste har o Nimrod.

1. Mose 11:2

Oun yon moukan pengro them oun djan kote, kay o kham pre djala. An o them Shinar hatsan le i bourhlo them oun ačan koy.

1. Mose 11:9

Doleske kharell ko foro Babel. Kote kras o baro Devel, kay yek i vavareskro rakepen bouder gar hayvella. Yaake kras yob, te ačan le koy bouder gar khetne oun hounte djan dran yek them an i vavar pral i tseli phoub.

1. Mose 14:1

An ko tsiro his i kourepen. Star bare raya kouran pen panč foryengre rayentsa. Kolla bare raya his: o Amrafel, ko baro ray pral o them Shinar, o Aryok, ko baro ray pral o them Ellasar, o Kedor-Laomer, ko baro ray pral o them Elam, o Tidal, ko baro ray pral o them Goyim.

Jesaja 10:9

Yek foro pal o vavar lom dren: Kalno oun Karkemish, Hamat oun Arpad, Samaria oun Damaskus.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 39:1

O baro ray pral o them Babilonia, o Merodak-Baladan, koleskro dad o Baladan hi, shounas, kay o Hiskiya nasselo his oun pale sasto vas. Oun yob bičras leske i liil oun kouč koova.

Jeremia 21:2

“O Neboukadnezar, ko baro ray pral Babilonia vas, te kourell lo pes mentsa, oun hi peskre lourdentsa troul o foro Yerusalem tardo. Mange menge o baro Deblestar! Te kamell yob, nay vell lo menge peskri bari zoryah ap i rig, har yob kova boudeder kope kras, yaake te hounte tserdell pes o Neboukadnezar pale.”

Jeremia 50:1

Kava hi ko lab, hoy penas o baro Devel ap peskro rakepaskro, o Yeremia, pral o them Babilonia oun leskro foro Babilon:

Jeremia 50:21

Djan an o kourepen i menshentsa an o them Meratayim; kourenn t'men i menshentsa an o them Pekod; Marenn len oun denn lauter paash, hoy len hi, penell o baro Devel. Krenn halauter yaake, hoy me t'menge penom!

Ezekiel 27:23

I forya Haran oun Kanne oun Eden, oun i parepangre dran o them Saba oun dran i forya Assour oun Kilmad van parepaske touha.

Daniel 1:2

Oun o baro Devel, maro ray, das o Yoyakimes, ko baro rayes pral o them Youda, an o vast o baro rayestar dran o them Babilonia. Ninna ko shoukar koova, hoy an o Debleskro kheer his, kolestar peras an leskre vasta. Oun yob anas kova an o them Shinar, an o kheer leskro deblestar. Oun čivas les pash ko bravlepen leskro deblestar pashel.

Amos 6:2

[T'mer penenn ap i menshende:] Djan an o foro Kalne! Oun dikenn, har ko foro hi! Oun kotar djan doureder pash o baro foro Hamat! Palle djan tele pash i Filistarya an o foro Gat! Hi le zorleder har kal themma Youda oun Israel? Hi lengro them bareder har t'maro them? Na-a!

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.

Micha 5:6

Oun kolla kay djido ačan o Yakobeskre čavendar, djivenn mank vavar menshende an boud themma. Lenge hi le har o pani, hoy moukell o baro Devel taysarlakro ap o zenlepen te perell, oun har o brishin, hoy o zenlepen sapeno krell. Kek mensho hounte penell lenge, hoy te krenn le.

Zakarie 5:11

Yob penas: “An o them Shinar, te vell lake kote i kheer kerdo. Kote vell koy korba pre tardo oun an-mangedo.”