1. Mose 1:16 - O Debleskro Lab 2024 (Sinte-Manouche)

¹⁶ Oun o Devel kras kol douy bare momlia: o kham, te vell lo ray pral o dives, oun o čon, te vell lo ray pral i rat, oun ninna i vavar bolepangre momlia.

O Debleskro Drom 2021 (Sinte)

¹⁶ Un o Dewel kras kol dui bare momlia: o kham, te well lo rai pral o diwes, un o tchon, te well lo rai pral i rat, un ninna i wawar bolepangre momlia.

1. Mose 1:16 ပူးပေါင်းရင်းမြစ်များ

1. Mose 1:15

Yon hi an o bolepen tardo, te denn le momeli ap i phoub. Oun kova vas yaake.

Hiob 31:26

Me mangom gar o kham an peskro raylepen an, vitar gar o čon an peskro shoukapen.

Hiob 38:7

Har lo čiddo vas, givan i tsele bolepangre momlia, hoy tsalla pre djan, oun i bolepangre dan gole i barhtyatar.

Debleskri gili 148:3

T'mer, kham oun čon, sharenn les! Ninna t'mer bolepangre momlia, sharenn les!

Debleskri gili 148:5

T'mer lauter, sharenn o baro Debles! Yob rakras, oun yon van kerdo.

Debleskri gili 19:6

Taysarlake djal o kham vin har i biyabeskro dran peskri isema, oun har i zorelo naashepaskro hi lo barhtelo, te nashell peskro drom.

Debleskri gili 74:16

Tiro hi o dives, oun tiro hi i rat. Tou dal o kham oun o čon pengro drom, kay te djan le.

Debleskri gili 8:3

Dran o mouy i čavendar oun tikne čavendar venn kol laba, hoy sharenn tout. Yaake hounte rikrenn pengro mouy kolla, kay kamenn tout gar oun hi rhoyedo ap toute.

Jesaja 13:10

I bolepangre momlia rhačenn bouder gar. Hi save koy, kay dikeh bouder gar. O kham vell kalo, sik pal kova kay lo pre djas. Oun o čon hi bouder gar djelto.

Jesaja 24:23

Oun o čon vell lolo i ladjatar, oun o kham ladjell pes oun khatrell pes. O baro Devel, ko ray pral o bolepen oun i phoub, vell o baro ray ap i berga Sion an o foro Yerusalem. Oun i phoureder dikenn leskro raylepen.

Jesaja 40:26

Hadenn t'mare yaka pre, oun dikenn: Koon kras kova? Yob anell kol tsele bolepangre momlia ap lengro drom, oun djinell kitse yon hi, oun dell hakeni pash peskro lab gole. Oun kek hi koy, hoy palle gar vell. Yaake baro oun zorelo hi lo.

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Jeremia 31:35

Kova penell o baro Devel, kay moukell o kham pre te djal, te vell dives, oun o čon oun o bolepangre momlia, te nay dikah mer an i rat. Yob krell o baro pani divyo, te djal lo pral oun tele. Leskro lab hi baro Devel, ray pral o bolepen oun i phoub.

Habakuk 3:11

Oun o čon ačas tardo, har dal tire fayle karye. Tiri sasterno vitsepaskro čouri vas diklo har i yag.

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Mateo 27:45

His deesh-te-douyenge, koy vas o dives kalo har i rat an o tselo them. Oun kova ačas yaake bis trinenge.

1. Korintarja 15:41

O kham, les hi i vavar raylepen har o čon. Oun o čon, les hi i vavar raylepen, har i bolepangre momlia. Oun kek lendar dikell vin har koy vavar.

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.