1. Korintarja 9:5 - O Debleskro Lab 2024 (Sinte-Manouche)

⁵ Hi men gar ko čačepen, te romedinerah nay i patsli djouvyat, oun te las lat mentsa, yaake har krenna kol vavar Yezouseskre bičepangre oun leskre phrala oun o Petro?

O Debleskro Drom 2021 (Sinte)

⁵ Hi men gar ko tchatchepen, te romedinerah nai i patsli djuwjat, un te las lat mentsa, jaake har krenna kol wawar Jesuseskre bitchepangre un leskre phrala un o Petro?

1. Korintarja 9:5 ပူးပေါင်းရင်းမြစ်များ

Kamlepaskri gili 4:12

Heyo, miri pirni, tou hal har i baar, kay o voudar pandlo hi, ava har i baar, har i brounna pandlo i tsele vavarenge.

Mateo 13:55

Hi kova gar o čavo kolestar, kay boudrell i kashtentsa. Hi leskri day gar i Maria? Oun hi o Yakobo, o Yosef, o Simon, oun o Youdas gar leskre phrala?

Mateo 8:14

Oun o Yezous djas an o Petreskro kheer. Kote dikas lo koleskri romyakri day. Yoy his ap o čiben čiddo oun lakro shero his tato.

Markus 1:30

Oun i day o Simoneskri romyatar his čiddo ap o čiben, oun lakro shero his tato. Oun yon penan o Yezouseske latar.

Markus 6:3

“Hi kova gar ko morsh, kay boudrell i kashtentsa? Hi leskri day gar i Maria? Hi leskre phrala gar o Yakobo, o Yosef, o Simon, oun o Youdas? Oun ninna leskre phenya djivenn pash mende.” Oun yon rhoyran pen pral leste.

Louka 6:15

o Mateo, o Thomas, o Yakobo, koleskro dad hi o Alfeo, oun o Simon, kay hi kol menshendar, kay kharenna Zelotarya

Louka 8:20

Koy penas yek ap leste: “Tiri day oun tire phrala hi vin tardo, oun kamenn tout te dikell.”

Johanni 1:42

Oun o Andreas anas peskro phrales pash o Yezouseste. Har o Yezous koles dikas, penas lo: “Tou hal o Simon, ko Yohanneskro čavo. Tou khareh kanna Kefas.” Ko kharella baro bar.

Johanni 2:12

Pal kova djas lo peskri dah, peskre phralentsa oun peskre malentsa an o foro Kapernaum. Koy ačan le gar rah.

Bičepangre 1:14

Kalen lauteren his yek dji oun yek djipen oun mangan o Debles an. Pash lende his ninna djouvya, oun i Maria, o Yezouseskri day, oun o Yezouseskre phrala.

Remarja 16:1

Te vell mari pheen, i Febe, pash t'mende, mangau t'mendar, len lat lačes pash t'mende pre. Yoy hi o Debleskri boudepaskretsa an o foro Kenkrea. Lenn lat yaake lačes pash t'mende pre, har maro ray Yezous kova i patslendar kamella. Denn lat lauter kova, hoy lat hounte vell djipaske! Yoy his boud patslenge koy, ninna mange.

1. Korintarja 1:12

Pash t'mende hi menshe, kay penenna: “Mer krah kova, hoy o Paulo menge penella.” Vavar penenna: “Mer rikrah men ap o Apollo.” Oun pale vavar penenna: “O Kefas hi maro sikepaskro.” Oun pale vavar penenna: “Mer rikrah men ap o Yezous Kristeste.”

1. Korintarja 7:15

Te kamell kova, kay gar patslo hi, o patsles te moukell, yaake nay djal lo peske. Ko patslo hi gar pandlo ap leste. O Devel kamell gar, te čingrenn t'men.

1. Korintarja 7:39

I romni hi ap peskro romeste pandlo yaake rah har yob djivella. Te merell o rom, hi li bouder gar pandlo ap leste. Oun yoy nay romedinerell, kones yoy kamella. Ap yek koova hounte rikrell li pes: Yoy hounte lell peske i patslo romes.

1. Korintarja 7:7

Ninna te kamoms, te vals hakeno gar romedino, yaake har me gar romedino hom, kova djal gar. Mer ham gar yek har o vavar. Yaake har o Devel kamella, hi yek romedino oun ko vavar romedinerell gar.

1. Korintarja 7:8

Kolenge, kay gar romedino hi, penau me: T'menge vals mishto, te romedinerenn t'mer gar. Kol djouvyenge, kolengre romma meran, penau me: T'menge hi feteder, te romedinerenn t'mer bouder gar.

Galatarja 1:19

Kol vavar bičepangren, kay o Yezous Kristo glan mande pash i menshende bičras, kolendar dikom me kekes kote har o Yakobo kokres, o Yezouseskro phraal.

1. Timoteo 3:2

I phoureder hounte djivell yaake, te hatsell kek i doosh ap leste. Les vell gar boudeder har yek romni. Yob rakrell kek dinelo koova, oun dell pes yak, hoy yob rakrell oun krell. Yob moukell pes gar an djoungelo koova te tserdell. Yob lell i vavaren lačes an peskro kheer dren. Yob sikrell mishto o Debleskro drom.

1. Timoteo 4:3

Yon penenna, te romedineress gar, oun te rhas gar hako rhapen. Koon ap o Yezous Kristeste patsella, oun o čačepen hayvella, nay rhal lauter, te parkrell pes lo pash o Debleste, kay lauter kras.

1. Timoteo 5:2

Rake i phouri djouvyah, har te vals li tiri day! Rake i terne djouvyentsa, har te vans le tire phenya, oun kre kova i djoudjo djiyeha!

Tito 1:6

Savo phoureder hounte djivell yaake, te dikell kek i čilačo koova ap leste. Les vell gar boudeder har yek romni. Leskre čave shounenn ap leste, oun patsenn ap o Debleste. Yon hi gar bipandlo.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.