1. Korintarja 9:18 - O Debleskro Lab 2024 (Sinte-Manouche)

¹⁸ Hoy lau me koleske? Me lau či. Mange hi shoukeder te penap o lačo lab o Yezous Kristestar čičeske, har te vap me playsedo.

O Debleskro Drom 2021 (Sinte)

¹⁸ Hoi lau me koleske? Me lau tchi. Mange hi shukeder te penap o latcho lab o Jesus Kristestar tchitcheske, har te wap me plaissedo.

1. Korintarja 9:18 ပူးပေါင်းရင်းမြစ်များ

Johanni 4:36

Kanna anenn i boudepangre kolen khetne, kay lenn o djipen, hoy gar pre-herella. Oun lengri boudi vell playsedo. Yaake hi hake douy barhtelo: Kova, kay o tikno djob an i phoub vitsras, oun kova, kay anell o djob dren.

Bičepangre 18:3

Oun har yob koy emligi boudi kras har yon, ačas lo pash lende oun boudras lentsa.

Remarja 14:15

Te dikell tiro phraal, te rhah tou halauter, oun kova doukell les an peskro dji, palle kameh tou les gar o djiyestar. O Yezous Kristo meras ninna koleske. Doleske de yak, te anell savo tikno koova les gar o Debleskro dromestar tele.

1. Korintarja 10:33

Me krau lauter, te djivap yaake, har hakeneske mishto hi oun rodau gar, hoy mange mishto hi. Me kamau kova te krell, hoy boudenge mishto hi, te djan yon gar nashedo.

1. Korintarja 3:8

Kova, kay o djob an i phoub vitsrella hi yaake baro har kova, kay pani pre čorella. Oun o Devel dell hakenes, hoy leskri boudi moldo hi.

1. Korintarja 7:31

Kay phoub oun lauter, hoy koy pre hi, ačella gar. Doleske pandenn t'men gar ap ko koova, hoy i menshenge ap kay phoub yaake boud moldo hi!

1. Korintarja 8:9

Kova hi t'maro koova, hoy t'mer krenna. Ninna te hi kova yaake, denn yak ap kolende, kay gomme gar zoreles an o patsepen hi, te perenn yon gar o Debleskro dromestar tele!

1. Korintarja 9:12

Te hi i vavaren ko čačepen ap kova lauter, hi men ko čačepen ninna. Ninna te hi kova yaake, lah kova gar menge. Me kamoms gar, te rakrell yek pral mende, te penah i menshenge o Yezous Kristestar, te vas mer playsedo.

1. Korintarja 9:15

Kava čačepen lom mange gar: Me lom či t'mendar. Me činau kova gar, te vap me kanna t'mendar playsedo. Feteder vals, me meroms, har te penenn i menshe mange palla, te playsrenn t'mer man. Me nay sharau man, te penau i menshenge o lačo lab o Yezousestar čičeske.

1. Korintarja 9:17

Te kroms me kova mandar, palle nay loms me kova playsedo. Me krau kova gar mandar. O Devel das man koy boudi.

2. Korintarja 4:5

Lestar rakrah mer, oun gar mendar. Mer penah i menshenge, o Yezous Kristo hi o ray. Oun mer ham leskre boudepangre oun boudrah t'menge.

1. Tessalonikarja 2:6

Mer rodam gar o sharepen i menshendar, gar t'mendar, vitar gar i vavarendar.