1. Korintarja 9:10 - O Debleskro Lab 2024 (Sinte-Manouche)

¹⁰ Ap mende penell o Devel kova. Doleske hi ninna menge činlo: Ko harho, kay boudrell ap peskro kotar phoub, krell kova, te anell lo boud djob dren. Oun kova, kay dell o djob dran o phouss, boudrella, te nay rhal lo kolestar.

O Debleskro Drom 2021 (Sinte)

¹⁰ Ap mende penell o Dewel kowa. Doleske hi ninna menge tchinlo: Ko hacho, kai budrell ap peskro kotar phub, krell kowa, te anell lo bud djob dren. Un kowa, kai dell o djob dran o phuss, budrella, te nai chal lo kolestar.

1. Korintarja 9:10 ပူးပေါင်းရင်းမြစ်များ

4. Mose 18:31

T'mer nay rhan kova ap haki platsa, t'mer oun t'mare čave. Kova hi o playsepen t'mari boudjake ap o Debleskro plarhteno kheer.

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

Remarja 15:4

Lauter kova, hoy an o phouro tsiro an o Debleskro lab činlo vas, vas činlo, te las mer nevi zoor dran o Debleskro lab, oun das maro patsepen gar pre, oun dikas ap ko lačepen, hoy o Devel men della, an ko tsiro hoy vella.

1. Korintarja 3:9

Mer ham o Debleskre boudepangre. T'mer han o Debleskri harhetikri phoub. Oun t'mer han har i kheer, hoy o Devel peske krella.

2. Korintarja 4:15

Kova lauter, hoy lah ap mende, krah t'menge. Mer kamah, te vell o Debleskro kamlepen pash boud menshende prindjedo, te parkrenn pen boud oun boudeder pash leste, oun sharenn les.

2. Timoteo 2:6

O harho, kay phares boudrella, hi o glanstouno, kay rhal kolestar, hoy dran i phoub vas.