1. Korintarja 8:8 - O Debleskro Lab 2024 (Sinte-Manouche)

⁸ Kolenge penau me: O rhapen krell men gar pale-čiddo glan o Debleste. Te ham dareno, te rhas yek rhapen, ham gar tikneder glan o Debleste. Te ham gar dareno, te rhas kova, ham gar feteder glan leste.

O Debleskro Drom 2021 (Sinte)

⁸ Kolenge penau me: O chapen krell men gar pale-tchiddo glan o Debleste. Te ham dareno, te chas jek chapen, ham gar tikneder glan o Debleste. Te ham gar dareno, te chas kowa, ham gar feteder glan leste.

1. Korintarja 8:8 ပူးပေါင်းရင်းမြစ်များ

Mateo 25:15

Hakeneste das lo yaake boud love, har kova hayvas, te ginell oun te bikrell kolla loventsa. Ko yekeste das lo panč gone pherdo roup, oun ko vavareste das lo douy gone, oun pale i vavareste yek gono. Oun palle djas lo an o vavar them.

Remarja 14:17

Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.

1. Korintarja 6:13

O rhapen hi koy, te djal lo an o per. Oun o per hi o rhapaske koy. Vell yek dives, kay krell o Devel, te hi o rhapen oun o per bouder gar koy. O Devel kras men gar, te loubras mer trouyel. Mer ham koy o Yezouseske, maro rayeske. Oun yob hi ninna o ray pral maro mass.

Hebrearja 13:9

Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.