1. Korintarja 8:5 - O Debleskro Lab 2024 (Sinte-Manouche)

⁵ Ninna te hi savo koova an o bolepen oun ap i phoub, hoy i menshe an-mangenna, oun ninna te dell boud, ap kolende i menshe penenna “mo devel” oun “mo ray”,

O Debleskro Drom 2021 (Sinte)

⁵ Ninna te hi sawo koowa an o bolepen un ap i phub, hoi i menshe an-mangenna, un ninna te dell bud, ap kolende i menshe penenna “mo dewel” un “mo rai”,

1. Korintarja 8:5 ပူးပေါင်းရင်းမြစ်များ

Jeremia 11:13

Yaake boud forya t'men hi, yaake boud deblen hi t'men, t'mer menshe an Youda. Oun yaake boud dromma an Yerusalem hi, yaake boud rhačepangre kran t'mer, kay rhačrenn firhen o djoungelo debleske Baal.

Jeremia 2:11

Ninna te hi lengre debla kek čače debla, lenn yon kek vavar deblen an! Mire menshe, kay miro raylepen dikan, yon paran man dren yekeha, kay kek devel hi, oun koles kek zoor hi.

Jeremia 2:28

Kay hi t'mare debla, kay t'menge kran? Mou stenn yon pre, oun lenn t'men vin dran t'mari bibarht! T'mer menshe an o them Youda, t'men hi yaake boud debla har forya!

Daniel 5:4

Koy pashel sharan le i deblen dran sonakay, roup, lolo saster, vavar saster, kasht oun bar.

Mateo 27:17

Oun har yon lauter khetne his, poučas o Pilato lendar: “Kones moukap dran o stilepen vin: O Barabes? O Yezouses, kay ninna o Kristo kharella?”

Galatarja 4:8

An ko tsiro, kay prindjran t'mer o Debles gar, hans vavarenge koy, har te vans le o Devel.

5. Mose 10:17

T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.