1. Korintarja 8:3 - O Debleskro Lab 2024 (Sinte-Manouche)

³ Koon čačepah gosevo hi, kova kamell o Debles o djiyestar. Oun o Devel prindjrell les.

O Debleskro Drom 2021 (Sinte)

³ Koon tchatchepah gosewo hi, kowa kamell o Debles o djijestar. Un o Dewel prindjrell les.

1. Korintarja 8:3 ပူးပေါင်းရင်းမြစ်များ

1. Rajengro liil 3:3

O Salomo kamas o baro Debles o djiyestar, oun djivas pal kol laba, hoy leskro dad, o David, leske penas. Yek koova kras lo, hoy gar mishto his: Yob maras ninna firhen i vavar deblenge oun rhačras lenge soungepaskro koova.

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

Debleskri gili 17:3

Tou djineh, hoy mange an o shero djal. Ninna an i rati dikal palla, har an miro dji vi-dikella, oun hatsal či an mande, hoy gar mishto hi. Ninna kek čilačo lab vas dran miro mouy vin.

2. Mose 33:12

O Mose penas ap o baro Debleste: “Tou penal mange, te anap me kal menshen an o them Kanaan. Tou sikral man gar, kones tou mantsa bičreh. Tou penal, te prindjreh man oun djineh miro lab, oun te dikeh lačes ap mande.

2. Mose 33:17

O baro Devel penas ap o Moseste: “Ninna kava, hoy tou mandar mangal, kamau me te krell. Tou hal lačes glan mire yaka, me prindjrau tout oun djinau tiro lab.”

Jeremia 1:5

Me prindjrom tout, glan te krom tout an tiri dakro per, oun rodom tout vin, glan te val boldo, te vess miro rakepaskro i menshenge dran i tsele themma.

Amos 3:2

Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

Nahum 1:7

Kamles hi o baro Devel. Yob prindjrell kolen, kay ap leste dikenna. Yon nay khatrenn pen pash leste an phare tsirya.

Mateo 7:23

Palle penau lenge: Me prindjrau t'men gar. Djan mandar, t'mer čilače!

Johanni 10:14

Me hom o lačo bakrengro oun prindjrau, koon mire bakre hi. Yon prindjrenn man,

Johanni 21:17

O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

Remarja 11:2

Glan rah tsiro rodas o Devel i Israelitaryen vin, te venn le leskre menshe. Doleske čivell lo len gar infam. Djinenn t'mer gar, hoy an o Debleskro lab pral o Eliya činlo vas? Yob vas glan o Debleste, oun rakras leha pral o čilačepen, hoy i Israelitarya kran.

1. Korintarja 13:12

Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.

1. Korintarja 2:9

An o Debleskro lab hi činlo: Ko lačo koova, hoy kek yak dikas, oun hoy kek kand shounas, oun hoy an kek mensheskro dji dren vas, kova lauter dell o Devel kolen, kay les o djiyestar kamenna.

Galatarja 4:9

Kanna prindjrenn t'mer o Debles. Feteder hi, te penau me: O Devel prindjrell t'men. Har nay čivenn t'mer t'men pale tel kol zorya, ap kolende i menshe pandlo hi? T'mer shounenn pale ap laba, hoy či moldo hi, oun an lende kek zoor hi.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.

1. Johanni 4:19

O Devel kamas men o djiyestar. Doleske kamah mer o Debles oun i menshen ninna.

1. Johanni 4:7

Lače phrala oun phenya, o djiyeskro kamlepen vella o Deblestar. Doleske hounte vell men i dji mare phralenge oun phenyenge an o patsepen. Kolen, kay hi i dji i vavarenge, kolla hi o Debleskre čave, oun prindjrenn o Debles.

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.

Debleskro tsiro 2:19

Me prindjrau lauter, hoy t'mer mange krenn. T'mer kamenn man o djiyestar, oun rikrenn zoreles ap mande. Me prindjrau lauter, hoy t'mer t'mare phralenge krenna. Oun t'mer van gar khino an t'maro patsepen. Kova, hoy t'mer kanna krenna, hi ninna boudeder har kova, hoy kran, har patslo van.

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.