1. Korintarja 8:2 - O Debleskro Lab 2024 (Sinte-Manouche)

² Koon patsella, te hi lo gosevo, kova djinell gar, hoy čačo gosvepen hi.

O Debleskro Drom 2021 (Sinte)

² Koon patsella, te hi lo gosewo, kowa djinell gar, hoi tchatcho goswepen hi.

1. Korintarja 8:2 ပူးပေါင်းရင်းမြစ်များ

Gosewe laba 26:12

I dinelo nay vell sikeder gosevo har yek, kay pestar kokres patsell, te hi lo gosevo.

Remarja 11:25

Mire phrala, me kamau t'menge i baro čačepen te penell, hoy djinenn i menshe gar. Te djinenn t'mer kova, palle penenn t'mer gar: “Har gosevo ham mer!” T'mer hounte djinenn, hoske hi boud bibolden i dji dran bar, oun patsenn gar ap o Yezous Kristeste. Kova ačella yaake rah, bis te van kol tsele menshe dran i vavar themma ap o Yezouseskro drom, kolendar o Devel kamell, te venn le pash leste.

1. Korintarja 13:12

Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.

1. Korintarja 3:18

Ma rhorhenn t'men kokres! Koon patsella, te hi lo gosevo ap kay phoub, kova hounte dikell dren, te molella leskro gosvepen či.

Galatarja 6:3

Koon patsella, kay yob feteder hi har ko vavar, oun hi kova gar, kova rhorhell pes kokres.