1. Korintarja 7:9 - O Debleskro Lab 2024 (Sinte-Manouche)

⁹ T'mer te djivenn nay gar kokres, palle romedinerenn. Hi feteder, te romedinerenn t'mer, har te doukell o morsheskro dji pal i djouvyate oun i djouvyakro dji pal i morsheste.

O Debleskro Drom 2021 (Sinte)

⁹ Tumer te djiwenn nai gar kokres, palle romedinerenn. Hi feteder, te romedinerenn tumer, har te dukell o mursheskro dji pal i djuwjate un i djuwjakro dji pal i mursheste.

1. Korintarja 7:9 ပူးပေါင်းရင်းမြစ်များ

Bičepangre 19:36

Kek nay penella, kay kova gar čačo hi. Kanna ačenn oun moukenn! Ma krenn čomone, hoy khaytell t'men!

1. Korintarja 7:2

Hi feteder, te hi hako morshes peskri romni oun haki djouvyat peskro rom, har te krenn le vi-ladjedo koova.

1. Korintarja 7:28

Te romedinereh, yaake aneh tou kek doosh ap toute. Oun te romedinerella i čay, anell li kek doosh ap peste. Kolenge vell boud pharo koova an lengro djipen. Oun me kamau, te vell kova gar ap t'mende. Doleske rakrau yaake.

1. Korintarja 7:36

Te penell yek: “Kova hi gar mishto, te romedinerap me miri pirni gar, kay lat yaake zoreles kamau,” koleske penau me: Te romedinereh lat, aneh tou kek doosh ap toute.

1. Korintarja 7:39

I romni hi ap peskro romeste pandlo yaake rah har yob djivella. Te merell o rom, hi li bouder gar pandlo ap leste. Oun yoy nay romedinerell, kones yoy kamella. Ap yek koova hounte rikrell li pes: Yoy hounte lell peske i patslo romes.

1. Tessalonikarja 4:4

Hako morsh hounte djivell peskri romyah yaake khetne, har glan o Debleste mishto hi. Yob hounte dikell gar ap late, har te vals li či moldo.

1. Timoteo 5:11

Kanna rakrau i terne djouvyendar kolengre romma bouder gar djivenna. Ma čin kolengre laba an ko liil! Yon nay kamans boudeder pale i romes te lell, har te venn le o Yezous Kristeske koy.

1. Timoteo 5:14

Doleske kamau, te romedinerenn kol terne djouvya pale, te lenn yon čaven, oun te boudrenn yon an pengro kheer, yaake te nay penell kek djoungelo koova pral i patslende.