1. Korintarja 7:31 - O Debleskro Lab 2024 (Sinte-Manouche)

³¹ Kay phoub oun lauter, hoy koy pre hi, ačella gar. Doleske pandenn t'men gar ap ko koova, hoy i menshenge ap kay phoub yaake boud moldo hi!

O Debleskro Drom 2021 (Sinte)

³¹ Kai phub un lauter, hoi koi pre hi, atchella gar. Doleske pandenn tumen gar ap ko koowa, hoi i menshenge ap kai phub jaake bud moldo hi!

1. Korintarja 7:31 ပူးပေါင်းရင်းမြစ်များ

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskri gili 73:20

Yon hi har i souni, hoy yek bistrell, te stell lo pre. Yaake bistreh tou len ap ko tsiro, kay hadeh tout tou, baro Devel.

Sikepaskro 1:4

Menshe venna oun djana. Kokres i phoub ačell, har li hi.

Sikepaskro 11:2

Phage tiro maro an kotya, oun de les efta, orhta menshenge; tou djineh gar, havi bibarht vell pral kay phoub.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

1. Korintarja 7:29

Kova penau me t'menge, mire phrala: Hi bouder gar boud tsiro. Kanna hounte djivell i romedino morsh yaake, har te vals les kek romni, yaake te nay boudrell lo o Debleske.

1. Korintarja 7:30

Oun kolla, kay lenge ropaske hi, djivenn yaake, har te vans lenge gar ropaske. Oun kolla, kay barhtelo hi, djivenn yaake, har te vans yon gar barhtelo. Oun kolla, kay čomone o djipaske dren ginenna, krenn kova yaake, har te nay rikrans yon kova gar.

1. Korintarja 9:18

Hoy lau me koleske? Me lau či. Mange hi shoukeder te penap o lačo lab o Yezous Kristestar čičeske, har te vap me playsedo.

Hebrearja 12:27

Kol laba i vavar kopo sikrenn men: Kova, hoy kerdo vas, – o bolepen oun i phoub, – kova ačell gar zoreles tardo oun vell krik lino. Palle ačell kova, hoy zoreles tardo hi, oun hako tsiro ačella.

Jakobo 4:14

Yaake rakrenn t'mer oun djinenn gar, hoy taysar hi! T'maro djipen hi har i dourho, hoy ačella gar. T'mer han i tikno tsiro djido. Oun ap yek kopo han t'mer bouder gar koy.

1. Petro 1:24

An o Debleskro lab hi činlo: I tsele menshe hi har o zenlepen oun har shoukar bloume. O zenlepen merella, oun i bloume perenn tele.

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

1. Johanni 2:17

Kay phoub ačella gar, vitar gar kova, hoy i menshe ap kay phoub kamenna. Koon krella, hoy o Devel kamella, kova ačella hako tsiro.