1. Korintarja 7:21 - O Debleskro Lab 2024 (Sinte-Manouche)

²¹ Te hals tou i pandlo boudepaskro, har o Devel tout gole das, hounte doukrell tout kova gar! Te penell tiro ray, kay tou leske boudreh: “Tou nay dja touke!” palle nay djah touke tou, oun hal bouder kek pandlo boudepaskro!

O Debleskro Drom 2021 (Sinte)

²¹ Te hals tu i pandlo budepaskro, har o Dewel tut gole das, hunte dukrell tut kowa gar! Te penell tiro rai, kai tu leske budreh: “Tu nai dja tuke!” palle nai djah tuke tu, un hal buder kek pandlo budepaskro!

1. Korintarja 7:21 ပူးပေါင်းရင်းမြစ်များ

Louka 12:29

Ma darenn, hoy t'mer taysar rhana oun piyenna!

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

1. Korintarja 12:13

Kolla, kay ap o Yezous Kristeste patsenna hi bibolde oun kolla, kay kek bibolde hi, hi raya oun boudepangre. Kolla lauter lan o Debleskro Dourho. Ko Dourho anas len lauteren khetne.

1. Korintarja 7:20

Hakeno hounte ačell koy pashel, hoy yob his, har o Devel les gole das.

1. Korintarja 7:22

Koon i pandlo boudepaskro his ap ko tsiro, har o Yezous Kristo les gole das, kova hi glan leste bouder kek pandlo boudepaskro. Oun koon kek pandlo boudepaskro his ap ko tsiro, har o Yezous Kristo les gole das, kova hi kanna o Yezous Kristeskro boudepaskro.

Galatarja 3:28

Yaake djivah lauter o Yezouseha khetne. Kanna hi yek, koon t'mer han: bibolde oun kolla, kay kek bibolde hi, boudepangre oun raya, morsha oun djouvya. An o Yezous Kristeste hi yek har o vavar.

Filiparja 4:11

Kova penau gar, te sikrap t'men, kay man gar doha his. Na-a. An miro djipen hayvom, te hi mange kova doha, hoy man hi.

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

Kolossarja 3:11

Kote, kay o Devel i menshen neves kras, kote hi yek yaake boud moldo har o vavar: I bibolde oun kolla, kay kek bibolde hi; kolla, kay ap o mass činlo hi oun kolla, kay gar ap o mass činlo hi; vi-themarya oun divye; raya oun boudepangre. O Yezous Kristo djivell an hakeneste mendar.

Hebrearja 13:5

Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!

1. Petro 5:7

Lauter, hoy hi t'men phares ap o dji, vitsrenn ap leste! Yob krell lauter mishto.