1. Korintarja 7:2 - O Debleskro Lab 2024 (Sinte-Manouche)

² Hi feteder, te hi hako morshes peskri romni oun haki djouvyat peskro rom, har te krenn le vi-ladjedo koova.

O Debleskro Drom 2021 (Sinte)

² Hi feteder, te hi hako murshes peskri romni un haki djuwjat peskro rom, har te krenn le wi-ladjedo koowa.

1. Korintarja 7:2 ပူးပေါင်းရင်းမြစ်များ

Gosewe laba 18:22

Koon i romyat hatsas, hatsas i barht. O baro Devel dikas lačes ap leste.

Gosewe laba 19:14

I kheer oun love lell o čavo peskro dadestar pal koleskro merepen. I romni, kay an peskro dji dikell, glan te rakrell li, vell o baro Deblestar.

Maleachi 2:14

Oun t'mer poučenn: Hoske lell lo či mendar? Djiness! O baro Devel his pashel, har tou romedineral tiri romni har terno hals. Oun tou lal touke i vavar oun rhorhral tiri romyat, ninna te his li koya, kay touha djivas. Oun tou phagal tiro lab, hoy lake dal glan o Debleste.

Mateo 5:32

Me penau t'menge: Kones hi i romni, kay rhorhras les gar i vavar morsheha, oun yob moukell lat, kova krell, te lell li i vavares. Oun yaake anell li doosh ap peste. Oun kova, kay romedinerell i moukli djouvyat, kova anell doosh ap peste, te las lo i vavareskri romyat.

1. Korintarja 6:18

Doleske penau t'menge: Ma loubrenn trouyel! Te kreh tou savo koova, čineh tou touke kokres an o mass. Hako vavar čilačepen kreh tou ap i vavarende. Te loubreh trouyel, kreh tou o čilačepen ap toute.

1. Korintarja 7:1

T'mer poučan mandar an t'maro liil: “Vals mishto i morsheske, te romedinerals yob gar?” Oun koy pre penau me:

1. Korintarja 7:3

O rom te vell peskri romyake koy. Oun i romni te vell peskro romeske koy.

1. Korintarja 7:9

T'mer te djivenn nay gar kokres, palle romedinerenn. Hi feteder, te romedinerenn t'mer, har te doukell o morsheskro dji pal i djouvyate oun i djouvyakro dji pal i morsheste.

Efesarja 5:28

Yaake hounte vell i morsh yaake kamlo ap peskri romyate har hi lo kamlo ap peste! Te hi lo kamlo ap peskri romyate, hi kova yaake har te vals lo kamlo ap peste.

Efesarja 5:33

Ninna te hayvau me kava lab yaake, penell kava lab t'menge: Hakeno hounte vell yaake kamlo ap peskri romyate, har yob kamlo ap peste hi! Oun i romni hounte vell lačo ap peskro romeste!

1. Tessalonikarja 4:4

Hako morsh hounte djivell peskri romyah yaake khetne, har glan o Debleste mishto hi. Yob hounte dikell gar ap late, har te vals li či moldo.

1. Timoteo 4:3

Yon penenna, te romedineress gar, oun te rhas gar hako rhapen. Koon ap o Yezous Kristeste patsella, oun o čačepen hayvella, nay rhal lauter, te parkrell pes lo pash o Debleste, kay lauter kras.

Čačepangre 21:22

Oun te venn lengre dada oun lengre phrala, te čingrenn le mentsa, palle kamah lenge te penell: Avenn menge lačes, oun moukenn lenge kol čen! Mer nashte lap gar hakeneske lendar i romni an o kourepen. Oun t'mer han gar kolla, kay dan len lende. Yaake anenn t'mer kek doosh ap t'mende, te moukenn t'mer len lende.”