1. Korintarja 7:14 - O Debleskro Lab 2024 (Sinte-Manouche)

¹⁴ O Devel dikell lačes ap o romeste, kones i patsli romni hi. Oun o Devel dikell lačes ap i romyate, kay lat i patslo rom hi. Te vals kova gar yaake, vans t'mare čave har i čave kolendar, kay prindjrenn o Debles gar. Kova hi gar yaake. Glan o Debleste hi le har čave, kolengro dad oun day, kolla douy, patslo hi.

O Debleskro Drom 2021 (Sinte)

¹⁴ O Dewel dikell latches ap o romeste, kones i patsli romni hi. Un o Dewel dikell latches ap i romjate, kai lat i patslo rom hi. Te wals kowa gar jaake, wans tumare tchawe har i tchawe kolendar, kai prindjrenn o Debles gar. Kowa hi gar jaake. Glan o Debleste hi le har tchawe, kolengro dad un dai, kolla dui, patslo hi.

1. Korintarja 7:14 ပူးပေါင်းရင်းမြစ်များ

Jesaja 52:1

Ste pre! Ste pre, Sion! Ab pale zoreles! Čip tire kouč rayengre ripya ap toute, Yerusalem, tou Debleskro foro! Čačepah, kek tsiro vell kanna bouder, kay djal yek an toute dren, hoy gar činlo vas ap peskro mass, vitar gar yek, kay glan mande pale-čiddo hi.

Bičepangre 10:23

Oun o Petro moukas len an o kheer te vell, oun das len i isema, te ačenn le kote. O vavar dives djas yob lentsa an o foro Cesarea. Oun vavar patsle dran o foro Yoppe djan ninna leha.

Remarja 11:16

Hako bersh vell o djob činlo, oun dell nevo maro. Te denn le i kotar nevo maro o Debleste, hi kova yaake, har te vell o tselo maro o Debleste dino. Yaake hi ninna pash o rouk. Te vas leskro drab o Debleste dino, palle hi ninna leskre kashta o Debleske.

1. Korintarja 7:13

Oun te hi i patsli romyat i rom, kay gar patslo hi, oun yob kamell pash late te ačell, hounte moukell yoy les gar.

1. Timoteo 4:5

O Debleskro lab krell, te nay rhas hako rhapen. Oun mer parkrah men pash o Debleste koleske.

Tito 1:15

Kolla, kay o Yezous lengri doosh lendar las, kolla hi djoudjo oun erligo glan o Debleste. Kolenge dell či, hoy hi pale-čiddo. Kolla, kay gar ap leste patsenn, kolla hi pale-čiddo glan o Debleste. Kolenge hi lauter pale-čiddo. Lengro dji hi čilačo, oun yon hayvenn bouder gar, hoy mishto oun čačo hi.